Bơh jơnau yal làng bol lơgar Campuchia, Mpồl K51, Mpồl đơng lam ling klàng càr Dăk lăk neh jòi rồ, tơrgùm ƀồc ntìng cau ling chơ̆t màng tàm ƀòn Vai Yoong, sàh Busara, kơnhoàl Bétchanda, càr Mondulkiri.

Ƀồc ntìng cau ling chơ̆t màng geh jòi gŏ rềp mờ croh dà Đăk Đam, bal mờ uă phan lời wơl bè zep cao su, plai ào cau ling, bơngàn lòs B52 mờ khàr sơnơm. Broă rồ tơrgùm geh ƀồc ntìng cau ling chơ̆t màng tàm ală ngai sơnrờp lơh jăt kơnòl kàl prang là cồng nha bơh broă jal mhar dờp, đal git mờ bơsong jơnau yal bơh làng bol dê. Cồng nha do pơn jăt tai ai tơngŏ nùs nhơm Broă lơh dờng 500 ngai mang, lơh sùm jòi ală cau kòn neh phi să tài bơta krơi is, khăt gơboh bơh Dà lơgar dê, nàng cèng ală bi rê mờ ƀòn lơgar, mờ hìu nhă.