Ngai òr (30/09), ală mpồl lơh broă gơwèt Mpồl Tơrgùm ƀồc ntìng cau ling chơ̆t màng bơh Anih lơh broă đơng lam kâp dờng ling klàng ƀòn dờng Hồ Chí Minh dê pơn jăt tai lơh broă jòi rồ, tơrgùm ƀồc ntìng cau ling chơ̆t màng tàm Tiah B, Sươn bal Lê Thị Riêng.

Cồng nha tàm ngai, tàm Tiah B, mpồl lơh kơnòl broă neh gŏ, tơrgùm geh 10 ƀồc ntìng cau ling chơ̆t màng bal mờ 2 bơta phan geh bal. Kờp bơh ngai 23 nhai 6 tus jơh ngai 30 nhai 9 nam 2026, ală mpồl Mpồl Trơgùm ƀồc ntìng cau ling chơ̆t màng neh gŏ, tơrgùm geh kờp jơh 682 ƀồc ntìng cau ling chơ̆t màng, tàm hơ̆ geh 301 ƀồc geh phan lời wơl. Broă jòi rồ, tơrgùm ƀồc ntìng cau ling chơ̆t màng tàm Sươn bal Lê Thị Riêng pơn jăt tai geh ală mpồl lơh jal mhar, mờ lơh ngan gờñ ai ală cau khin cha jăk chài chơ̆t màng rê mờ hìu nhă mờ mpồl ling bal.