Lam lơh Broă lơh dờng 500 ngai mang lòt jòi, rồ tơrgùm mờ đal git mat ƀồc ntìng cau chơt màng, Mpồl lơh broă bơh Mpồl đơng lam Ling klàng sàh Ba Động, càr Quảng Ngãi pơgồp bal mờ ală mpồl lơh broă geh gơnoar sàh dê rề ơnàng bă tiah lòt jòi tàm bồ tô dà croh Nước No, thôn Ba Liên, sàh Ba Động mờ git gŏ 3 ƀồc ntìng cau chơt màng. Bơh lòt jòi, tờ ƀồc ntìng cau chơt màng, mpồl lơh broă geh gơnoar git gŏ 2, 3 nơm phan lời wơl gơ rềng tus cau ling bè plai ào, tual tang, ơyun zu, che zu. Ală phan do geh tơrgùm wơl, prap gàr bal mờ ƀồc ntìng jat di jơnau sồr, drơng broă lơh đal git, mờ kung gàr bơta ki ngàm gơ wèt mờ ală cau chơt màng neh phi să.