-Tă is priă sền gàr rềs àr mpồl bơtiàn là broă lơh sền gàr bơh Đảng mờ Dà lơgar, tài gơnoar kwơ bơh cau lơh broă bal mờ Làng bol, geh Dà lơgar sền gàr mờ dong kờl, geh anih lơh broă Sền gàr rềs àr mpồl bơtiàn lơh.

- Cau tus bal: Làng bol lơgar Việt Nam tơl bơh 15 sơnam rơlao hờ đang ờ gơwèt cau tus bal sền gàr rềs àr mpồl bơtiàn pal tă mờ ờ di cau gam geh dờp priă nhai neh jơh sơnam lơh broă, dong kờl sền gàr rềs àr mpồl bơtiàn, dong kờl pah nhai;

- Cau lơh broă jăt broă lơh ờ geh tơngai, lơh broă ờ geh tơngai bơh tơl 1 nhai rơlao hờ đang mờ viên chức gam ơm ing lơh broă.

- Khà priă tă pah nhai ndrờm mờ 22% khà priă geh lơh tơngu me nàng tă. Tàm hơ̆, cau blơi is sră sền gàr rềs àr mpồl bơtiàn geh rơwah khà priă geh nàng lơh tơngu me tă priă bè tơnơ̆ do: khà ờ uă ngan ndrờm mờ khà hìu rơƀah tàm ƀòn lơgar jăt mờ jơnau geh ai; khà uă ngan ndrờm mờ 20 dơ̆ priă nhai tờm.

- Gùng dà broă tă: pah nhai, 3 nhai, 6 nhai, 12 nhai; tă 1 dơ̆ ai uă nam tơnơ̆ in (uă ngan 5 nam); ha là tă 1 dơ̆ ai tơngai gam ờ tơl in (uă ngan 60 nhai) nàng tơl bơta dờp geh priă nhai tŭ neh jơh sơnam ờ lơh broă.

- Cau tus bal blơi is sră sền gàr mpồl bơtiàn geh Dà lơgar dong kờl priă tă jăt khà bơnah rơhiang (%) tàm khà priă tă sền gàr rềs àr mpồl bơtiàn pah nhai ndrờm mờ khà hìu rơƀah tàm tiah ƀòn lơgar dê (tơngai dong kờl ờ uă ir 10 nam (120 nhai)). Khà dong kờl mùl màl ai tơl nă cau bè tơnơ̆ do:

-Dong kờl 50% gơwèt mờ cau hìu rơƀah; cau gam ơm kis tàm sàh bồt, tiah is ồn.

-Dong kờl 40% gơwèt mờ cau hìu ndrờm mờ rơƀah.

-Dong kờl 30% gơwèt mờ cau jơi bơtiàn ờ gal cau.

-Dong kờl 20% gơwèt mờ ală mpồl cau ndai.

-Gơwèt mờ mpồl cau tus bal sền gàr lơngăp lơngai tàm ƀòn lơgar jăt jơnau geh ai tàm anih a bơnah 2 bơta 4 Jơnau lơh nền tàm pơrjum sồ 04 ngai 20 nhai 6 nam 2024 bơh Mpồl duh broă làng bol càr Dăk Lăk dê: dong kờl 20% khà priă tă sền gàr rềs àr mpồl bơtiàn pah nhai jăt khà hìu rơƀah tàm tiah ƀòn lơgar.

-Cau tus bal blơi is sră sền gàr rềs àr mpồl bơtiàn tŭ geh tơl bơta jăt jơnau geh ai, geh dờp gơnoar kwơ tơnơ̆ do:

-Lài ngan, geh dờp dong kờl bun deh kòn di jăt jơnau geh ai.

-Dơ̆ bàr, dong kờl sơnam jơh lơh broă: geh dờp priă nhai cau neh jơh sơnam lơh broă tŭ geh tơl bơta bè sơnam jơh lơh broă mờ tơngai tă priă sền gàr rềs àr mpồl bơtiàn. Priă nhai sơnam neh ơm lơh broă geh lơh wơl jăt Khà priă ngui sa mờ gơguh lơh sa.

-Dơ̆ pe, kham sơm kòp ờ sa priă: Cau tus bal blơi is sră sền gàr rềs àr mpồl bơtiàn tŭ dờp priă nhai neh jơh sơnam lơh broă geh anih lơh broă sền gàr rềs àr mpồl bơtiàn ai sră kham sơm kòp ờ sa priă.

-Dơ̆ poan, dong kờl chơ̆t: cau pròc mhàm geh dờp priă dong kờl ies tơ̆p mờ dong kờl dùl dơ̆ jăt jơnau geh ai tŭ cau blơi is sră sền gàr rềs àr mpồl bơtiàn chơ̆t.

Dơ̆ pram, dong kờl sền gàr rềs àr mpồl bơtiàn dùl dơ̆: geh dờp broă dong kờl mpồl bơtiàn dùl dơ̆ jăt mờ jơnau geh ai.

-Dơ̆ prao, geh dờp dong kờl pah nhai: tŭ tơl sơnam ơm jơh lơh broă mơya ờ tơl 15 nam tă priă sền gàr mpồl bơtiàn mờ ờ hềt tơl bơta nàng dờp dong kờl sơnam neh jơh lơh broă mpồl bơtiàn, ờ dờp Sền gàr rềs àr mpồl bơtiàn dùl dơ̆ mờ geh jơnau kờñ.

-Tus bal blơi is sră sền gàr rềs àr mpồl bơtiàn nàng geh dờp priă nhai tŭ neh jơh sơnam lơh broă pah nhai mờ sền gàr bơta pràn kơl dang să jan tŭ neh kra.

-Di lah kờñ geh tai jơnau yal, dan lùp tơn mờ Sền gàr rềs àr mpồl bơtiàn càr Dăk Lăk ha là Sền gàr rềs àr mpồl bơtiàn tàm ală ƀòn, ală mpồl lơh broă geh ai gơnoar tă Sền gàr rềs àr mpồl bơtiàn, sră kham sơm kòp ờ sa priă tàm ƀòn lơgar nàng geh bơto pơlam bơto sồr mờ bơsong./.

-Số điện thoại bơto pơlam, dong kờl bơh Sền gàr rềs àr mpồl bơtiàn càr Dăk Lăk:0262 222 9799.

Sồ điện thoại bơh Sền gàr rềs àr mpồl bơtiàn càr mờ Sền gàr rềs àr mpồl bơtiàn tàm ală tiah

Sồ điện thoại bơto pơlam, dong kờl bơh Sền gàr rềs àr mpồl bơtiàn càr Đắk Lắk: 

0262 2229799