Bơh ngai 30/9 tus ngai 06/10, bơh jơnau yal làng bol ƀòn lơgar dê, Mpồl K52 neh ai mpồl lòt sền, tờ jòi mờ rồ geh 5 ƀồc ntìng cau chơt màng tàm lơgar Campuchia. Tàm hơ̆, 1 ƀồc ntìng tàm càr Rattanakiri, 2 ƀồc ntìng tàm càr Stung Treng mờ 2 ƀồc ntìng tàm càr Preah Vihear. Tàm ală bă tiah rồ tơrgùm, mpồl lơh broă geh gơnoar neh jòi bàn uă phan lời wơl cau ling dê bè cờ men, tơr neh, gri sơnơm Penicillin, bơngàn lòs B52, plai àu ling, tual tang, kơldung, rơsì kèr sŏ, krơh… Mpồl K52 neh lam lơh ai mẫu sinh phẩm sề gơ wèt mờ ală ƀồc ntìng gam wơl mẫu nàng drơng broă lơh sền git ADN đal git mat cau chơt màng tơnơ̆ do.

Mờ broă lơh lòt jòi, rồ tơrgùm tàm lơgar, Mpồl K52 neh rồ geh tai 3 ƀồc ntìng cau chơt màng tàm ƀòn Bi, sàh Ia Dom, càr Gia Lai. Bơh jơnau yal ồng Siu Bích dê deh nam 1952, ơm tàm ƀòn lơgar bè ală bơtô ƀồc ù tàm suơn hìu ồng dê, mpồl neh sŏk sền mờ tờ gơtùi 2 ƀồc ntìng tàm ngai 05/10 mờ 1 ƀồc ntìng tàm mho ngai 07/10.