Lài hơ̆, ngai 18/9, ồng Phan Văn Sơn, làng bol ƀòn lơgar kah wơl broă neh geh tŭ sền gŏ dùl ñsàng ntìng mờ tual tang cau ling dà tơlir tŭ tờ bơtô nàng tơp ƀồc tàm tiah do tàm nhai 5 nam 2022. 

Tŭ gŏ Mpồl K52 lam lơh lòt jòi ƀồc ntìng cau chơt màng, ồng Sơn neh yal bè bă tiah pin geh bơtô ƀồc cau chơt màng. Mpồl lơh broă geh gơnoar sơrbac mhar đal git mờ lam lơh tờ jòi, bơh hơ̆ sền gŏ ală bơnah ntìng jơng, ntìng tê, ntìng tơngoh, ntìng ƀờng bal mờ tual tang cau ling. Ƀồc ntìng ờ hềt git mat sơnđan. Ală anih lơh broă geh gơnoar rơp pơn jat tai lơh sir sră nggal, ai mẫu sền git ADN nàng đal git mat cau chơt màng.