Dar pơrjum kờp dŭ rơ̆p bơyai lơh gơs 2 dơ̆: Dơ̆ sơnrờp: mho ngai 1 mờ ngai 2 nhai 10. Dơ̆ bàr: mho ngai 10 nhai 10. Tàm dar pơrjum do, Anih duh broă Lơh kơnòl broă sùm Quốc hội pơgồp jơnau đơs bè ală jơnau rơcang cih: Alăt Ù tiah (tam gơl); Adăt Hìu ơm (tam gơl); Adăt Kă bro hìu ù (tam gơl); Adăt bè sră nggal adăt boh lam; Adăt Kes priă dà lơgar (tơrgùm dùl).

Bè broă jăt sền, Anih duh broă Lơh kơnòl broă sùm Quốc hội pơgồp jơnau đơs bè Jơnau yal bơh Chính phủ dê bè broă lơh jăt Jơnau lơh nền tàm pơrjum sồ 206 nam 2025 bơh Quốc hội dê bè kơrnoăt pal jăt bơsong kal ke, gơkòl tài jơnau geh ai bơh adăt boh lam dê; jơnau yal bơh Chính phủ dê bè cồng nha lơh jăt Broă rơndăp lơh bơtàu tơnguh lơh sa mpồl bơtiàn nam 2026, kờp dŭ Broă rơndăp lơh bơtàu tơnguh lơh sa mpồl bơtiàn nam 2027; mờ tus bal pơgồp jơnau đơs bè jơnau rơcang cih jơnau yal tơrgùm bal jơnau đơs, jơnau dan bơh cau tĕ khà bal mờ Làng bol dê pơyoa tus Dar pơrjum dơ̆ bàr, Quốc hội khoă XVI in.