- Kham sơm kòp ờ sa priă là broă dong kờl sền gàr rềs àr bơh Đảng mờ Dà lơgar dê, tài gơnoar kuơ cau lơh broă mờ làng bol dê, geh Dà lơgar sền gàr mờ dong kờl, bơh anih lơh broă Sền gàr rềs àr mpồl bơtiàn (hơ̆ là Bảo hiểm xã hội) lơh; tàm hơ̆, kơnòm bơsram, cau bơsram dờng gam bơsram tàm ală hìu bơsram gơ wèt ală hìu bơsram chính quy mờ hìu bơsram sùm, kờp bal mờ cau bơsram dờng gah broă làng bol gam bơsram tàm ală hìu bơsram Ling klàng làng bol, Kwang àng làng bol, ờ kờp ală cau neh blơi jat ală mpồl ndai den ndrờm pal blơi sră kham sơm kòp ờ sa priă. 

- Kơnòm bơsram, cau bơsram dờng blơi sră kham sơm kòp ờ sa priă geh:

- Dà lơgar dong kờl 55% khà priă tă pah nhai (Kes priă Dà lơgar 50%, kes priă càr 5%). Khà priă tă sră kham sơm kòp ờ sa priă kơnòm bơsram, cau bơsram dờng ndrờm 4,5% khà priă nhai sơn rờp; kơnòm bơsram, cau bơsram dờng mìng pal tă 45% khà tă.

- Sac rơ wah broă lơh tă 3 nhai, 6 nhai halà 12 nhai jăt pah dơ̆.

- Blơi sră kham sơm kòp ờ sa priă kơnòm bơsram, cau bơsram dờng rơp geh dờp ală gơnoar kuơ tơnơ̆ do:

- Geh lơh sră kham sơm kòp ờ sa priă điện tử.

- Geh rơ wah mờ tam gơl anih cih mat dan kham kòp bơh chờm tàm 15 ngai sơn rờp pah quý.

- Geh sền gàr pràn kơldang să jan bơh sơn rờp jat jơnau cih.

- Geh tă tơm priă kham sơm kòp tàm bơnah gơnoar kuơ mờ khà geh dờp.

- Geh anih lơh broă Sền gàr rềs àr mpồl bơtiàn pơlam, dong kờl, hơ bè kham sơm kòp ờ sa priă.

- Geh yal yă broă lơh tìs adat boh lam bè kham sơm kòp ờ sa priă.

- Kơnòm bơsram, cau bơsram dờng cih mat blơi sră kham sơm kòp ờ sa priă tàm Anih bơto bơtê mờ bơsram tiah he gam bơsram mờ lơh jat jơnau pơlam.

- Tài pràn kơldang oh kòn dê, tài rơnàng tơnơ̆ do dà lơgar dê, blơi tĕ kham sơm kòp ờ sa priă kơnòm bơsram, cau bơsram dờng in.

- Dilah kờñ geh tai jơnau yal tơnggit, dan lùp tơn Sền gàr rềs àr mpồl bơtiàn càr Dăk Lăk halà Sền gàr mpồl bơtiàn ală kâp hơ đơm nàng geh pơlam mờ bơsong.

- Sồ điện thoại pơlam, dong kờl bơh Sền gàr rềs àr mpồl bơtiàn càr Dăk Lăk dê là: 0262 222 9799.

Sồ điện thoại Sền gàr rềs àr mpồl bơtiàn càr mờ Sền gàr rềs àr mpồl bơtiàn ală kâp hơ đơm dê:

Sồ điện thoại pơlam, dong kờl bơh Sền gàr rềs àr mpồl bơtiàn càr Dăk Lăk dê là: 0262 2229799