VOV4.K'Ho- Jơnau lơh nền tàm pơrjum sồ 198 geh Quôk hội khoă XV ring bal ngai 17/5/2025, bè bàr pe gùng dà, broă lơh, bơta dong kờl krơi is bơtàu tơnguh lơh sa nă să is, gam lơh gơlik bơta pràn pa tàm ală mpồl lơh sa kă bro tàm gùt lơgar. Tàm càr Gia Lai, ală cau lơh sa nă să is dờp Jơnau lơh nền tàm pơrjum mờ bơta pin dờn mờ kơp kơnờm anih kă bro mờr tus rơp niam, loh làng, lơh gơlik bơnàng jă ai gah mpồl lơh sa kă bro nă să is in bơtàu tơnguh pràn kơldang.

VOV4.K’Ho- Càr Kon Tum geh jơnau kờñ tus lồi nhai 06 tus rơ̆p lơh sir jơh broă tơn jơh hìu ing, hìu ồm sèt ñhăt dà mìu ai làng bol in.

VOV4.K'Ho - Lơh jat srơh tơn jơh hìu ing, hìu ồm sèt nhăt dà mìu bơh Cíñ phủ lam lơh, Ƀộ Kwàng àng neh pơgồp bal mờ ală càr lam lơh broă lơh lơh git nđờ rbô nơm hìu nùs nhơm ai hìu bơnhă rƀah, hìu bơnhă pa jơh rƀah, hìu bơnhă geh sră dong kờl bơh dà lơgar mờ làng bol jơi bơtiàn dồ êt nă tàm ală càr Tây Nguyên in. Tàm càr Dăk Nông mờ càr Gia Lai, git nđờ rbô nơm hìu kơ̆ kơljap neh mờ gam geh lơh sir, pơgồp bơnah dong làng bol gàr kơ̆ rài kis, bơtàu tơnguh lơh sa mờ tơnguh rlau tai bơta pin dờn tàm ală broă lơh gàr lơngăp lơngai rài kis mpồl bơtiàn bơh Đảng, Dà lơgar dê.

VOV4.K'Ho - Drim ngai 21/5, Tỉñ ủy, Mpồl duh broă làng bol, Anih duh broă làng bol, Anih duh broă Mặt trận dà lơgar Việt Nam càr Dăk Lăk bơyai lơh dơ̆ Jàu pà wơl khà jờng pơn yờ să dà lơgar “Mè Việt Nam khin cha jak chài” mờ jàu phan ƀàn kâp dà lơgar.

VOV4.K’Ho- Anih duh broă Làng bol càr Dăk Lăk pa geh sră đơng lam pơyua ală sờh, mpồl, gah, Anih duh broă Làng bol kâp kơnhoàl, ƀòn drà dờng, ƀòn dờng mờ ală mpồl lơh broă broă lơh dà lơgar dê lơh gơ wèt bal, sồr lơh jăt niam ală broă dong kờl, bơta dong kờl gơrềng tus broă rơndăp tăp sèng rơndăp mpồl lơh broă jăt jơnau sồr bơh Cíñ phủ mờ Ƀộ Broă dơlam is dê.

VOV4.K'Ho- Drim òr (19/05), Mpồl tam klac cau ùr càr Gia Lai tơn jơh broă lơh “Mè ròng” tơngai bơh nam 2021 tus nam 2025.

VOV4.K'Ho- Poh lài, tềng đap bơta đơng lam bơh Củ tịc Quôk hội ồng Trần Thanh Mẫn dê, dar pơrjum dơ̆ 45 bơh Anih duh broă Lơh kơnòl broă sùm Quôk hội dê neh geh bơyai lơh mờ uă tơngume kuơmàng rơcang ai dơ̆ 2 pơrjum dơ̆ 9 in. Nùs nhơm lơh broă jơh nùs, geh kơnòl mờ bơta lơh ngan cíñ trị uă geh ai tơnggŏ lơh ngan bơh broă ai jơnau đơs bè ală broă geh kuơ cíñ trị - adat boh lam is ồn, tàm hơ̆ pal sền gròi ngan là broă sền sơ wì tam gơl, bơtơl bàr, pe bơta bơh Sơnua boh lam nam 2013 dê mờ lơh Jơnau lơh nền tàm pơrjum bè gùng dà, broă lơh krơi is bơtàu tơnguh lơh sa dồ nă să is.

VOV4.K’Ho- Kờp tus ngai 15/05, jơh gùt càr Gia Lai neh sơnđờm lơh mờ lơh niam wơl 7 rơbô 424 nơm hìu lơh ing, hìu ồm sèt nhăt dà mìu, lơh geh rlau 91% broă rơndăp lơh.

VOV4.K'Ho- Broă lơh ờ sa priă, tơrmù priă dia ngui ù lơh sa suơn sre geh lơh jat bơh nam 2001 tus tŭ do, kờp jơh khà priă ờ sa priă, tơrmù mờr 120 rơbô tơmàn đong.

VOV4.K'Ho- Ƀộ Kwang àng neh hòi jà tă pơgồp bal mờ jàu 30 tơmàn đong nàng dong kờl lơh 500 nơm hìu ai hìu bơnhă rƀah, hìu bơnhă pa lik klàs rƀah mờ hìu bơnhă geh sră dong kờl kal ke bè hìu ơm tàm ù tiah càr Dăk Nông dê.