VOV.K’Ho - Đảng ủy, Mpồl duh broă Làng bol, Anih duh broă Làng bol mờ Anih duh broă Mặt trận dà lơgar Việt Nam sàh Nghĩa Giang, càr Quảng Ngãi yŭ rơyùm bơyai lơh Dơ̆ ies mờ tơp 5 ƀồc ntìng cau chơt màng geh rờ tơrgùm tàm tiah Gò Tràm, thôn An Sơn.

VOV.K'Ho- Thượng tướng Phùng Sỹ Tấn, Phó Kwang lam bồ Mpồl đơng lam Ling klàng làng bol Việt Nam, Kwang Lam bồ mpồl lơh broă bơh Bộ Ling klàng lòt sền broă rơcang ai nam bơsram pa 2026-2027 tàm Hìu bơsram ơm sa bic tơn bàr kấp Kấp dùl mờ Kấp bàr sàh Ea Rốk, càr Dăk Lăk.

VOV.K'Ho- Ală hìu bơsram ơm sa bic tơn bàr kấp pa geh lơh ngan lơh gơs tàm ală sàh tiah nhàr lơgar đah Măt tơngai mŭt càr Quảng Ngãi (càr Kon Tum lài do), cèng geh nùs nhơm chờ hờp ai kơnòm bơsram, cau mè bèp kơnòm bơsram mờ cau pơgru in. Nam bơsram pa do, kơnòm bơsram tiah nhàr lơgar geh bơsram tàm hìu bơsran pa, broă bơsram, ơm sa bic niam rơlao, gơs anih kơl dìng nàng làng bol iang nùs lơh broă, sền gàr tiah nhàr Dà lơgar.

VOV.K’Ho – Tàm ală dơ̆ tìp mat cau tĕ khà, bơta gùng dà, broă lơh nàng tă bơsong bơta gơ kòl priă bơcri, lơh gơlik anih ƀuơn ƀuài ai mpồl lơh sa kă bro in bơcri priă, lơh sa, kă bro sùm dờp geh bơta sền gròi. Bơh ală jơnau đơs, jơnau dan cau tĕ khà mờ mùl màl bơtàu tơnguh dê, Quốc hội pơn jat tai lơh sir kơrnuat boh lam, tă bơsong ală bơta gơ kòl bè bơcri priă, ù tiah, phan bơna; Chính phủ mờ gơnoar atbồ ală ƀòn lơgar lam lơh ngan ngồn mờ ală broă lơh ai priă jền tơmut tàm rài lơh sa. Gơ wèt mờ Tây Nguyên - tiah kềng gah dà lềng đah jum tàm gùl lơgar, tàm tŭ tơngai ală ƀòn lơgar tơlik jơnau kờñ gơguh tai 2 nơm khà, jơnau sồr do sơlơ gơ gơs jal mhar rlau.

VOV.K’Ho - Mìng gam dùl êt ngai tai gời, kơnòm bơsram càr Dăk Lăk rơp mut tàm nam bơsram pa 2026 - 2027. Bơh tiah ƀuơn ƀuài tus tiah sar lơgar ngài, tiah làng bol jơi bơtiàn dùl êt nă cau, ală ƀòn lơgar mờ hìu bơsram gam lơh sir ală bơnah broă dut ndơl, bơh phan bơna, sră măi tus mpồl cau pơgru mờ gùng dà broă lơh dong kờl kơnòm bơsram. Nam bơsram do, geh tam gơl bè ală hìu bơsram, rơndap lơh hìu bơsram ơm sa bic tơn bàr kâp mờ jơnau sồr tơnguh cồng nha bơto bơsram tiah kal ke. Gah bơto bơsram bal mờ ală kâp, gah broă lơh tàm càr Dăk Lăk gam rơcang lài gơ dờp, lơh gơlik bơta niam nàng kơnòm bơsram in mut tàm nam bơsram pa lơngăp lơngai, ƀuơn ƀuài.

VOV.K’Ho- Rềp làng bol, iăt kơno làng bol, kơnờm tàm cau geh bơngă pin dờn nàng mblàng yal, hòi jà làng bol là broă mờ Kwang àng sàh Quảng Phú, càr Dăk Lăk gam lơh jat tàm broă lơh sền gàr lơngăp lơngai rơndăp tăp sèng tàm ù tiah ƀòn lơgar dê. Mờ ală broă lơh geh ngan, uă broă gơlik geh tàm mpồl bơtiàn, tàm hơ̆ geh broă jơi bơtiàn, gah pin dờn jat Yàng, geh gĭt gŏ mờ bơsong bơh tàm ƀòn lơgar tơn. Do kung là broă mờ kwang bàng, kwang àng tàm kấp hơđơm dê bơsram mờ lơh jat krơh niam Wa Hồ dê tàm broă lơh pah ngai.

VOV.K'Ho- Rơlao nggùl rài tơnơ̆ mờ ală dơ̆ tam lơh cui rơcai, tềl tơngŏ rài tam lơh kung gam wơl tàm tiah tăp ù tàm Đăk Pék, càr Quảng Ngãi (kơnhoàl Đăk Glei, càr Kon Tum lài do). Jơnau yal geh làng bol, cau ling yau bal mờ cau prăp phan gam gơs jơnau yal kwơ màng nàng mpồl lơh broă geh gơnoar jòi rồ, tơrgùm ƀồc ntìng cau ling chơ̆t màng.

VOV.K'Ho- Tàm Lâm Đồng, uă gơkòl bè ù tiah, rơndăp ù tiah, ù broă lơh sa sươn sre brê bơnơm mờ ală rơndăp broă lơh jŏ jòng gam lơh gơrềng tus gơnoar kwơ làng bol dê, lơh kơryan broă jòi lơh bơta pràn ù tiah. Tàm bơta Quốc hội khoă XVI sền swì lơh tam gơl wơl Adăt Ù tiah nam 2024 tàm Dơ̆ pơrjum ờ bè ờs dơ̆ dùl, cau tĕ khà mờ gơnoar ătbồ càr Lâm Đồng kơ̆p gơn ală anih gơkòl bơh mùl màl rơ̆p geh tă bơsong, ai tơl bơta pràn gơn kơnờm bơtàu tơnguh lơh sa – mpồl bơtiàn.

VOV.K’Ho - Bơh nam bơsram pa 2026 - 2027, kơnòm bơsram 4 hìu bơsram kâp pe mìng dùl gah (Chuyên) tàm càr Lâm Đồng rơp ngan ngồn geh dờp gùng dà, broă lơh dong kờl ơm sa bic tơn mờ priă tă dơ̆ ngui.

VOV.K’Ho- Tàm sàh Diên Khánh, càr Khánh Hòa, Mpồl lơh broă geh gơnoar neh lam lơh pơ dơng bơkàu, chu ñàng kah kơlôi mờ tàm jàu 13 ƀồc ntìng cau chơt màng geh jòi bàn tàm tiah hìu jàm yau tàm Ƀòn dờng yau Diên Khánh.