Bàr nơm hìu do geh kờp jơh priă tă lơh 5 tơmàn đong bơh Ƀộ Ling klàng dong kờl nàng kờñ lơh niam ală bơta pal geh drơng pơrjum, sơlơ tơnguh bơta tam klac ling klàng - làng bol mờ pơgồp bơnah sền gàr bơta niam chài jơi bơtiàn. Gah đơng lam Ling klàng càr Dăk Lăk geh jàu lơh cau tờm bơcri priă, pơgồp bal mờ kâp ủy, gơnoar atbồ ƀòn lơgar lam lơh bơt bơtàu. Tàm hơ̆, hìu pơrjum mpồl bơtiàn ƀòn Kđoh geh bơceh lơh jat broă lơh hìu jòng ờs mờng kòn cau Rơđê dê, ơnàng 150 thơk vuông; broă lơh tàm thôn 12, sàh Ia Rvê ơnàng 180 thơk vuông, geh lơh jat broă lơh hìu pơrjum.

Ală broă lơh rơp là anih nàng làng bol in tìp mat, cribơyai mờng chài lơh sa, bơyai lơh broă lơh niam chài, đơs crih tamya, tàp pràn să jan. Di dơ̆ do, ală mpồl jàu phan pà mpồl bơtiàn làng bol ơm kis, hìu bơnhă dờp bơta dong kờl bơh mpồl bơtiàn mờ hìu bơnhă geh rài kis kal ke tàm ƀòn lơgar.