VOV4.K'Ho- Poh lài, Mpồl duh broă làng bol càr Kon Tum neh bơyai lơh pơrjum nggùl nam nàng sền sơ wì bè broă lơh sa – mpồl bơtiàn 6 nhai bồ nam mờ lam lơh kơnòl broă 6 nhai lồi nam. Uă broă ờ niam tàm càr kung neh geh đơs tàm pơrjum do. Tàm hơ̆, uă broă gơ rềng tus broă lơh dong kờl làng bol jơi bơtiàn dồ êt nă cau.

VOV4.K'Ho- Mpồl bơyai lơh neh jàu priă dong kờl bơsram “Bơsram ờ tŭ lơi jơh” ai 463 nă cau geh săc rwah bơh ală tiah mờ 14 anih lơh broă bơh Dà lơgar dê, tàm hơ̆ geh 290 nă kơnòm bơsram, cau bơsram dờng mờ 173 nă cau dờng.

VOV4.K’Ho- Pơn jăt tai pơrjum dơ̆ 08, Mpồl duh broă làng bol càr Dăk Lăk khoă X, tơngai lơh broă bơh nam 2021 tus 2026, drim òr (11/07), ală cau ala măt cri bơyai tàm mpồl.

VOV4.K’Ho- Là broă lơh tờm tàm tơngume tìp mat lơh kwèng ling geh griăt kơnòm să mpồl ling sền gàr tiah nhàr lơgar Việt Nam mờ ling geh griăt kơnòm să Ƀộ Kwang àng lơgar Lào, tàm ƀòn dờng Kon Tum, càr Kon Tum pa geh bơyai lơh pơrjum tìp mat mờ tơngume “Sơlơ tơnguh tai lơh broă bal, sơm bat tê bal sền gàr lơngăp lơngai cíñ trị, rơndăp tăp sèng, lơngăp lơngai mpồl bơtiàn 2 gah nhàr lơgar dê.

VOV4.K'Ho- Tus tŭ do broă dong kờl phe ai hìu bơnhă tus bal tam brê lơh sa mờ tam uă brê bơnơm ờ di dơm chi tàm càr Kon Tum kung gam ờ hềt gơtùi lơh jat.

VOV4.K'Ho- Tơnơ̆ pơrjum dơ̆ 07, Quôk hội khoă XV tơn jơh, Mpồl Cau ala mat Quôk hội ală càr Tây Nguyên neh bơyai lơh tìp mat cau tĕ khà. Tàm ală dơ̆ tìp mat, cau tĕ khà 2, 3 tiah neh ai lơh chờ hờp ngan bè cồng nha bơh pơrjum Quôk hội dê, neh geh ală broă lơh nền kuơmàng nàng dong Tây Nguyên bơtàu tơnguh. Tàm hơ̆, cau tĕ khà kơp kờñ rơndap broă lơh lơh gùng rơndeh ntoat mhar Gia Nghĩa – Chơn Thành gờñ geh lơh.

VOV4.K’Ho- Phó Củ tịc lơgar mò Võ Thị Ánh Xuân bal mờ mpồl lơh broă pa tus chu ñàng ală Cau ling khin cha jak chài, Cau ling chơ̆t màng tàm Ƀlàng tơ̆p ƀồc Cau ling chơ̆t màng Dà lơgar Gùng 9; Ƀlàng tơ̆p ƀồc Cau ling chơ̆t màng Dà lơgar Trường Sơn; Tiah lời kir sơnrai Tổng Ƀí thư lài do ồng Lê Duẩn mờ ƀòn dờng yau Quảng Trị; còp, pà phan ală hìu bơnhă geh dà kơl hề mờ Dà lơgar tàm ù tiah càr Quảng Trị.

VOV4.K’Ho- Ală nam do, ƀòn drà dờng Buôn Hồ, càr Dăk Lăk neh tơrgùm ală bơta pràn nàng bơtàu tơnguh lơh sa – mpồl bơtiàn tiah làng bol jơi bơtiàn ờ gal cau, rơhời tơngh rài kis làng bol in. Lơh sa geh gơguh niam, làng bol kis tàm ală ƀòn sơlơ tam klăc bal, tus bal bơ̆t bơtàu ƀòn drà dờng Buôn Hồ gơs dùl tiah bơtàu tơnguh càr dê.

VOV4.K'Ho - Bơh bồ nam tus tŭ do, ală mpồl lơh sa kă bro tàm càr Dăk Lăk neh lơh geh wơl sră dan blơi phan mờ sơlơ tơnguh tai jơnau kờñ rơ wah cau lơh broă. Bàr, pe kông ty geh priă nhai jơnhua ngan mờ geh uă broă dong kờl mơya kung gam gơtìp kal ke tàm broă rơ wah cau lơh broă.

VOV4.K’Ho- Mho ngai 04/07, tàm Pleiku, càr Gia Lai, Mpồl Tàm pơrlòng sồ III, Kông đoàn Viên cưk lơgar Việt Nam dê bơyai lơh jàu priă dong kờl lơh hìu nùs nhơm kờñ gơboh bal ai cau tàm mpồl cau ala măt cau lơh broă in mờ pà 300 Sră kham sơm kòp ờ sa priă ai làng bol jơi bơtiàn dồ êt nă cau geh rài kis kal ke in.