VOV4.K'Ho - Dơ̆ tìp mat geh bơta tus bal bơh ală kwang đơng lam bồ, cau kơ đơng yàng bơh 45 mpồl jat yàng gơ wèt 16 gah jat yàng neh geh Đảng, Dà lơgar dờp.

VOV4.K’Ho- Ală nam do, càr Gia Lai neh ai uă ngan priă bal mờ tơngai lơh broă nàng sền gròi tus broă drơng gàr mờ sền gàr kơnòm dềt, tàm hơ̆ uă ngan là gơwèt mờ ală kơnòm dềt geh rài kis gơtìp kal ke, kơnòm dềt tàm tiah ngài. Lơh jăt Nhai lơh broă tài kơnòm dềt nam 2024 mờ tơngu me “Lơh broă mùl màl, ai lài bơta pràn kơnờm dềt in”, càr Gia Lai hòi jà gùt mpồl bơtiàn tus bal sền gàr kơnòm dềt, bơ̆t bơtàu tiah kis lơngăp lơngai, niam bơnĕ nàng kơnòm dềt bơtàu tơnguh tơl ală bơta.

VOV4.K'Ho - “Ờ gŏ di lời kơnòm pơrlòng pal sang tĕ pơrlòng jơh bơsram kâp 3 tài rài kis kal ke”. Do là 1 tàm ală jơnau sồr bơh Mpồl đơng lam Pơrlòng jơh bơsram kâp 3 nam 2024 càr Dăk Lăk dê gơ wèt mờ ală tiah tàm tơngai sền sơ wì broă lơh bơyai lơh pơrlòng.

VOV4.K'Ho- Tàm rlau 5 rơbô nă kơnòm pơrlòng bơh càr Kon Tum dê tus bal cih mat dan pơrlòng jơh bơsram kấp pe nam do, geh rlau 1 rơbô 100 nă kơnòm bơsram geh rài kis kal ke, neh geh ală hìu bơsram tàm càr dê lơh geh ală bơta bơsram tơrgùm wơl jơnau bơsram tàm Hìu bơsram.

VOV4.K'Ho- Quôk hội pa lơh broă broă lùp mờ hơ jơnau lùp tàm pơrjum dơ̆ 7. Phó Thủ tướng Cíñ phủ ồng Trần Hồng Hà mờ 4 Ƀộ trưởng, kwang atbồ gah broă lơh neh hơ tơn dồ ròt ală broă mờ kwang bàng Quôk hội lùp. Dơ̆ lùp mờ hơ jơnau lùp, tàm pơndiang tàm hìu pơrjum neh ai gŏ nùs nhơm song dơpă, git iat, cih dờp mờ geh kơnòl bơh kwang atbồ gah broă lơh dê, nàng kờñ tă bơsong ală kal ke, kòl yan nàng bơtàu tơnguh lơh sa- mpồl bơtiàn.

VOV4.K'Ho - Ủy ƀan Ñân zân càr Dăk Lăk neh tam pà rlau 155 tấn phe bơh Cíñ phủ tă bơh bơnah phe prap rơcang gàr lài dà lơgar nàng dong kờl làng bol tàm kàl puh pah nam 2024.

VOV4.K’Ho- Lơh jăt Ală jơnau đơs tă pơgồp neh geh lơh nền bơh Ƀộ Kwang àng dê bè broă lơh 1 rơbô 200 nơm hìu nùs nhơm dong kờl ală hìu gơtìp kal ke tàm càr Dăk Lăk in, bơh tàm gùl ală poh nhai 03 nam 2024 tus tŭ do, Kwang àng càr Dăk Lăk neh lik lơh hìu jào pà ală hìu làng bol in.

VOV4.K’Ho- Kông ty điện lực Dăk Lăk mờ ƀòn M'riu, xã Cư̆ Huê, kơnhoàl Ea Kar pa bơyai lơh tơn jơh 30 nam broă lơh oh mi bal.

VOV4.K'Ho - Tàm càr Gia Lai, ală hìu bơsram kâp 3 gam tơnguh mhar broă bơsram wơl jơnau git wă, bơto wơl jơnau git wă ai kơnòm bơsram tus bal pơrlòng jơh bơsram kâp 3 nam do geh điểm jơnhua ngan rlau jơh, kuơmàng là gơ wèt mờ kơnòm bơsram jơi bơtiàn dồ êt nă cau, kơnòm bơsram tàm tiah kal ke.

VOV4.K’Ho- Di tơngkah kir sơnrai 83 nam Ngai Cau dờng sơnam Việt Nam (6/06) mờ lam lơh “Nhai lơh broă tài cau dờng sơnam Việt Nam” nam 2024, càr Dăk Lăk neh geh uă broă lơh geh kwơ, sền gròi cau dờng sơnam tàm tiah do dê.