VOV4.K’Ho- Càr Gia Lai neh sơnđờm mut lơh, lơh niam wơl rlau 7 rơbô 900 nơm hìu, lơh geh rlau 97% broă rơndăp lơh broă lơh tơn jơh hìu lơh ing, hìu ồm sèt nhăt dà mìu.

VOV4.K'Ho - Pơn jat pơrjum dơ̆ 9, poh lài, Quôk hội cribơyai bè Jơnau lơh nền rơndap tap sèng mpồl lơh broă sră pơ àr gơnoar atbồ kâp càr nam 2025. Ală cau ala mat đơs nền, tơmut bal càr là jơnau lơh nền kah yau, lơh gơlik ù tiah bơtàu tơnguh pa. Bulah bè hơ̆, nàng ală tiah in gơtùi ngui bơta pràn, lơh broă geh cồng nha tơnơ̆ tŭ tơmut bal, pal geh broă rơndap lơh kuơmàng, tơl làm, ngan là broă lơh kwang bàng mờ bơsong phan bơna dà lơgar jơngkah wơl tơnơ̆ tŭ tơmut bal.

VOV4.K'Ho- Dờp bal Nhai lơh broă tài kơnòm dềt nam 2025, mho òr (10/06), Kwang àng càr Gia Lai neh bơyai lơh tìp măt 28 nă kơnòm dềt là “kòn ròng”, “kòn dờp ròng siam” bơh mpồl do dê.

VOV4.K’Ho- Thủ tướng Cíñ phủ ồng Phạm Minh Chính pa kĭ Sră sồr pơyua đơng lam ală ƀộ gah mờ ală càr, ƀòn dờng gơ wèt Dà lơgar in, sồr tơrgùm lơh sir jơnau kờñ tơn jơh jơh ală hìu ing, hìu ồm sèt ñhăt dà mìu tàm jơh gùt lơgar lài mờ ngai 31/08/2025.

VOV4.K’Ho- Tàm càr Gia Lai, bơh bồ nam do, broă lơh tơn jơh hìu ing, hìu ồm sèt ñhăt dà mìu neh sơrbăc mhar geh lam lơh dồ ròt bal tàm jơh gùt càr bal mờ bơta sồr lơh kràñ cê jơh nùs bơh kâp ủy, gơnoar ătbồ ală kâp dê. Tơnơ̆ 6 nhai, jơh gùt càr neh sơnđờm lơh 7 rbô 631 nơm, geh 93,57% pơndrờm mờ broă rơndăp lơh. Neh geh 5 rbô 244 nơm hìu lơh sir, jàu mờ ngui. Bơta sồr lơh bơh ală kâp ủy, mpồl Đảng dê mờ bơta lam lài, lơh krơh bơh mpồl kwang bàng, đảng viên dê neh gơgơs jơnau lơh nền ai cồng nha lơh geh bơh broă lơh dê.

VOV4.K’Ho- Tus tŭ do, càr Kon Tum neh tàm jàu pơgăp 2 rơbô nơm hìu ơm pa ai làng bol in, pơgồp bơnah dong gĭt nđờ rơbô nă làng bol lik bơh rài kis ơm tàm hìu lơh ing, hìu ồm sèt nhăt dà mìu.

VOV4.K'Ho - Poh lài, Anih duh broă lơh kơnòl broă sùm Quôk hội bơyai lơh dar pơrjum dơ̆ 46, ai jơnau đơs bè bàr pe jơnau rơcang cih adat boh lam, tàm hơ̆ geh Adat rơndap broă gơnoar atbồ kâp hơ đơm (tam gơl); Adat kwang bàng, cau lơh broă sa priă nhai dà lơgar (tam gơl) mờ bàr, pe tơngume kuơmàng ndai. Tàm hơ̆, dùl tàm ală tơngume geh cau tĕ khà sền gròi, hơ̆ là jơnau rơcang cih Adat rơndap broă gơnoar atbồ kâp hơ đơm (tam gơl) nàng kờñ wèt tus tam pà kâp, tam pà gơnoar ai gơnoar atbồ kâp hơ đơm in dồ bă wil tơl jơh.

VOV4.K'Ho- Kàl rơlô bơkàng nam 2025 tàm Gia Lai, ală gah broă geh gơnoar is ồn sền gròi tus broă pơndờm pơnđiang jơh bal mờ phan bơna mờ nùs nhơm gơwèt mờ ală kơnòm bơsram rƀah, kơnòm bơsram jơi bơtiàn dồ ết nă cau nàng ală kơnòm dềt in pơn jat tai cơn đoà kơ̆ tàm gùng lòt bơsram sră.

VOV4.K’Ho- Mho ngai 02/06, Thủ tướng ồng Phạm Minh Chính đơng lam Pơrjum lam lơh jăt Jơnau lơh nền tàm pơrjum 201 Quôk hội dê bè lơh tơrlòng lài gùng dà broă lơh, broă dong kờl bơtàu tơngguh hìu ơm mpồl bơtiàn.

VOV4.K'Ho - Tàm pơrjum dơ̆ 9, Quôk hội khoă XV, ală cau ala mat cribơyai tàm jơnum bè Jơnau rơcang cih jơnau lơh nền tàm pơrjum bơh Quôk hội dê bè ờ tă priă bơsram, dong kờl priă tă bơsram gơ wèt mờ kơnòm mầm non, kơnòm bơsram pe kâp, cau bơsram jơnau bơsram kâp pe tàm ală hìu bơsram tàm lơgar he. Uă cau ala mat đơs nền, do là broă dong kờl cèng bơta niam chài, bơta niam bơh gơnoar atbồ dê, gàr bơta ring bal tàm broă bơsram sră. Bulah bè hơ̆, pal sền sơ wì nền nòn bơta tàm pơnring kes priă bơh ală càr, ƀòn dờng dê, ngan là tiah kal ke tŭ lam lơh jat jơnau lơh nền tàm pơrjum do.