Càr Dăk Lăk rơcang wă 3 rơbô nă kơnòm bơsram tàm 3 hìu bơsram ală kấp tàm tiah nhàr lơgar
Thứ năm, 06:00, 30/07/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Gah bơto bơtê càr Dăk Lăk gam pơgồp bal mờ ală tiah lơh broă lơh sac rơwah kơnòm bơsram, lơh sir broă rơndăp lơh bơyai lơh ơm sa bĭc tơn, ơm sa klo ngai tàm 3 hìu bơsram ală kấp tàm tiah nhàr lơgar.
Jat hơ̆, ală hìu bơsram rơ̆p wă pơgăp 3 rơbô nă kơnòm bơsram bơh ơdŭ 1 tus ơdŭ 9 tàm ală sàh Buôn Đôn, Ia R’vê mờ Ia Lốp tàm nam bơsram 2026–2027.
Broă lơh dờng sền bal lơh geh tơl jơnau kờñ bơsram sră tàm tiah do dê ai kơnòm bơsram tàm tiah do in, tàm hơ̆ kờp dŭ pơgăp 40% kơnòm bơsram bơh ơdŭ 4 rlau hơđang rơ̆p dan ơm sa bĭc tơn, ai gơwèt mờ kơnòm bơsram bơh ơdŭ 1 tus ơdŭ 3 den uă ngan mè bèp kơnòm bơsram ờ hềt dan ai ală oh kòn in. Cau geh ai lài sac rơwah ơm sa bĭc tơn jat tàm ală bơta geh ngan bè hìu ơm ngài ir, oh kòn hìu bơnhă kal ke, hìu bơnhă rƀah, hìu bơnhă pa lik klàs rƀah halà làng bol jơi bơtiàn dồ ết nă cau.
Viết bình luận