VOV4.K'Ho - Chờ gờm ngai 01/5, tàm ală càr Tây Nguyên mờ gùt lơgar ndrờm lam lơh uă bơnah broă geh kuơ nàng sền gròi ngan ngồn ai đoàn viên, cau lơh broă geh rài kis kal ke in.

VOV4.K'Ho - Ngai 17/4 pa do, tàm pơrjum dơ̆ 32, Ủy ƀan Thường vụ Quôk hội neh ring bal yal Quôk hội in sền sơ wì, lơh nền bơcri priă Rơndap broă lơh bơcri priă lơh gùng rơndeh ntoat mhar Tiah đah tô – Tiah đah jum dà lơgar hờ tiah đah mat tơngai mut gơl Gia Nghĩa (Dăk Nông) – Chơn Thành (Bình Phước) tàm pơrjum dơ̆ 7 tus do. Do là rơndap broă lơh gùng lòt kuơmàng, rơp bơsong bơta kòl yan bè phan bơna gùng lòt, lơh gơlik ù tiah bơtàu tơnguh pa, bơta gơn kơnờm chồl pràn bơtàu tơnguh lơh sa mpồl bơtiàn, sền gàr dà lơgar, sền gàr lơngăp lơngai tiah đah jum mat tơngai lik dà lơgar mờ càr kung gam rơcang nàng lam lơh rơndap broă tŭ geh ring bal.

VOV4.K'Ho - Drim ngai 26/4, tàm Hìu niam chài lơh broă lơh bơyô bal Việt – Xô geh lơh dơ̆ lam lơh Nhai lơh broă lơngăp lơngai kloh niam lơh broă mờ Nhai cau lơh phan nam 2024.

VOV4.K’Ho- Thiếu tá bi Hoàng Tiến Dũng (42 sơnam), cau lơh broă quân lực Mpồl đơng lam ling klàng thị xã Buôn Hồ, càr Dăk Lăk sùm lùp bơsram, kơlôi sơnơng, bơceh lơh nàng lơh sir kơnòl broă geh jàu. Mờ bơta kờñ ngan mờ kông nghệ thông tin, bi neh cih phần mềm “Atbồ gah phan tam lơh, gar phàu”, “Atbồ cih mat dan lơh kơnòl broă ling klàng mờ làng bol rcang lài lòt ling”. Ală phần mềm mờ ứng dụng do bơh bi mờ cau ling bal bơceh lơh neh mờ gam geh mut ngui uă tàm bơta geh ngan, pơgồp bơnah tơnguh uă cồng nha lơh kơnòl broă sền gàr Dà lơgar.

VOV4.K’Ho- Drim òr (23/4), tă pơgồp jơnau đơs bơh sơnrờp bè jơnau rcang cih jơnau yal cồng nha jat sền mìng dùl tơngume “Broă lơh jat gùng dà broă lơh, adat boh lam bè gàr niam rơndăp tăp sèng, lơngăp lơngai gùng lòt bơh nam 2009 tus jơh nam 2023”, Ủy ƀan Thường vụ Quôk hội sồr: Tơrgùm priă jền nàng bơcri lơh, bơtàu tơnguh rơndăp tăp sèng phan bơna gùng lòt; lài ngan ai priă jền nàng lơh niam gùng rơndeh dờng mờ bơsong ală tiah ờ niam bè rềs àr gùng lòt.

VOV4.K’Ho- Bơh nam 2016, Ƀan Câp hàñ khoă XI Đảng ƀộ ƀòn ƀòn dờng Pleiku, càr Gia Lai ai lơh jăt Jơnau lơh nền tàm pơrjum (Nghị kwết) sồ 06 nàng kờñ tơnguh uă rài kis làng bol tàm ală ƀòn làng bol jơi bơtiàn dồ êt nă cau dê gơlòt jăt bal mờ bơtàu tơnguh phan bơna dipal mờ bơhiàn ờs mờng bơh yau niam chài, lơh geh rài kis niam chài krơi is bơh làng bol jơi bơtiàn dồ êt nă cau dê tàm tiah do.

VOV4.K'Ho- Drim òr (22/4), tàm ƀòn dờng Điện Biên Phủ, càr Điện Biên, Mpồl Cữ thập đỏ dà lơgar Việt Nam pơgồp bal mờ Ủy ƀan Ñân zân càr Điện Biên bơyai lơh Dơ̆ lam lơh Nhai dong kờl cau kâp dà lơgar nam 2024 mờ tơngume “Gùng dong kờl cau – jàu dờp bơta kờñ gơboh”.

VOV4.K'Ho- “Pal lơh jat ală jơnau sồr pal jat, gàr ală Nghị địñ geh wil tơl jơnau cih bơh Adat Ù tiah dê, mờ kung gàr tơl ală bơta pal geh nàng Adat Ù tiah nam 2024 geh ai ngui gờñ”. Do là jơnau sồr bơh Phó Thủ tướng ồng Trần Hồng Hà dê tàm dơ̆ pơrjum mờ Ƀộ Tài nguyên mờ Môi trường mờ 2, 3 ƀộ, gah broă lơh geh gơ rềng bè tơngai lam lơh jat ală sră nggal cih mùl màl bè lơh jat Adat Ù tiah nam 2024 geh lơh poh lài.

VOV4.K'Ho - Pa do, tàm Hìu lơh broă Quôk hội neh geh lơh Pơrjum tơn jơh broă lơh bơh Mpồl kwang bàng Quôk hội dê nam 2023, lam lơh kơnòl broă nam 2024. Củ tịc Quôk hội ồng Vương Đình Huệ neh tus bal pơrjum. Củ tịc Quôk hội ồng Vương Đình Huệ sồr, ală mpồl kwang bàng Quôk hội, ală kwang bàng Quôk hội pal đòm jat ală cồng nha neh lơh geh, sơlơ tơnguh tai khà broă, tơnguh rlau tai cồng nha lơh broă bơh Mpồl kwang bàng Quôk hội dê.

VOV4.K'Ho - Ngai 12/4, Cơldŭ lơh broă Cíñ phủ pa geh sră nggal yal wơl jơnau đơs đơng lam bơh Thủ tướng Cíñ phủ dê bè broă tam gơl ngai lơh broă dơ̆ ơm rlô chờ ngai tam lơh pha lin 30/4 mờ ngai Dunia lơh broă ngai 01/5 nam 2024.