Hìu bơsram Niam chài Kwang àng làng bol II là hìu bơsram ơm sa bic tơn dà lơgar lơh bàr kấp bơh kấp 1 tus kấp 3, gơwèt Kwang àng càr Dăk Lăk dê. Cau geh rơwah mŭt bơsram là oh kòn cau ling sồt să, cau ling chơ̆t màng; oh kòn hìu nhă geh sră dong kờl, kơnòm dềt jơi bơtiàn ờ gal cau geh rài kis gơtìp kal ke; kơnòm dềt gơwèt mpồl dong kờl bơh mpồl bơtiàn bal mờ ờ uă cau jăt broă lơh lơh broă bal mờ ală lơgar bơh Bộ Kwang àng dê.

Nam 2026-2027, Hìu bơsram do rơwah cau mŭt bơsram tàm càr Dăk Lăk, Gia Lai, Lâm Đồng mờ Quảng Ngãi. Bơh nam 2027-2028, rề ơnàng tiah rơwah tàm gùt lơgar. Tàm tơngai bơh nam 2026 tus 2030, Hìu bơsram kờp dŭ geh bơto pah nam di pơgăp 1 rơbô 500 nă kơnòm bơsram tàm 3 kấp bơsram. Ală kơnòm bơsram tus bơsram tàm hìu bơsram rơ̆p geh dong kờl priă tă bơsram mờ priă ngui tàm rài kis; mờ geh bơto tơl ală bơta bè niam chài, nùs nhơm niam, jơnau git wă rài kis, jơnau git wă adăt boh lam mờ nùs nhơm geh kơnòl mờ mpồl bơtiàn.