Ngai 2/7, tàm Dà Làc, Ồng Nguyễn Đình Khang, Ƀộ trưởng Ƀộ Jơi bơtiàn mờ Pin dờn jăt yàng lơh broă mờ Anih duh broă Làng bol càr Lâm Đồng bè cồng nha lơh jăt Broă lơh jơnau kờñ dà lơgar bơtàu tơngguh lơh sa – mpồl bơtiàn tiah làng bol jơi bơtiàn dồ êt nă cau mờ tiah bơnơm.

Tơnơ̆ 5 nam lam lơh, càr neh gơmù pơgăp 50 rbô hìu rƀah, priă lơh geh kờp bal tiah làng bol jơi bơtiàn dồ êt nă cau geh bơh 45 tus 47 tơlak đong dồ nă dồ dồ nam. Tus lồi nhai 5 nam 2026, ƀòn lơgar ai priă rlau 827 tơmàn đong, mơkung pơyua rlau 318 tơmàn đong ai nam 2026 in nàng pơn jăt tai lơh jăt.

Ồng Nguyễn Đình Khang sồr càr Lâm Đồng tơrgùm tă bơsong gơkòl tàm ai priă, lơh pràn pà kâp, ai lài priă jền lam lơh ală broă bơ̆t bơtàu pà dà, gùng che đèng, đèng pờ àng mờ dong kờl hìu ơm ai hìu kal ke in, pơgồp bơnah gơmù rƀah kơnhăp jŏ tiah làng bol jơi bơtiàn dồ êt nă cau in.