Cồng nha do geh bơh jơnau yal bơh ồng Sô Hỗn, 96 sơnam, là cau lam gùng tàm rài tam lơh mờ ling lơgar Mỹ sò tơm yal. Jăt jơnau yal bơh ồng dê, uă cau ling sồt să neh phi să tàm broă sơm sồt tàm Hìu sơnơm Trúc Bạch tơngai bơh nam 1968 tus 1969 neh geh tơ̆p tàm tiah do.

Nàng jòi gŏ bơtô ƀồc, mpồl ling jòi tơrgùm neh sơrlèt rơlao 5 kơi sồ gùng brê, tiă gan croh dà, hào bơnơm mờr 2 jơ. Tơnơ̆ mờ uă jơ jòi tờ, mpồl lơh broă geh bơnoar gŏ mờ rồ geh 2 ƀồc ntìng cau ling chơ̆t màng ờ hềt git đal măt, kung gam klơm tàm kơl dung ƀồc ntìng cau ling chơ̆t màng bal mờ ờ uă bơta phan lời wơl. Do là cồng nha pơn jăt tai ai tơngŏ bơta kwơ màng bơh broă jòi jơnau yal bơh ală cau neh sền gŏ drơng tàm broă jòi rồ, tơrgùm ƀồc ntìng cau ling chơ̆t màng dê.