6 nhai bồ nam, lơh sa- mpồl bơtiàn càr Gia Lai pơn jat tai gàr niam tàm khà gơguh tai niam. Lùp priă dia dà lơgar lơh geh rlau 16 rơbô 500 tơmàn đong, gơguh rlau 20% pơndrờm dùl tŭ bal mờ nam lài. Jơh gùt càr gơ hòi gơ jà 165 rơndăp broă lơh bơcri priă pa mờ kờp jơh priă dan bơcri mờr 165 rơbô tơmàn đong.

Ală gah niam chài, bơto bơtê, lơh sơnơm, tam gơl sồ, tam gơl niam sră pơ àr, gàr tơl niam rài kis mpồl bơtiàn pơn jat tai geh sền gròi; sền gàr dà lơgar, lơngăp lơngai geh gàr kơ̆. Geh bơyai lơh tàm 2 ngai, pơrjum Mpồl duh broă Làng bol càr Gia Lai rơ̆p sền sơ wì 51 tơngume, tàm hơ̆ geh uă Jơnau lơh nền tàm pơrjum kwơ màng bè priă jền- kes priă, bơcri priă dà lơgar, rơndăp ù tiah, atbồ ù tiah, tam gơl jơnau kờñ ngui ù brê, ală broă lơh jơnau kờñ dà lơgar mờ is ồn là tam gơl niam Rơndăp ù tiah càr Gia Lai tơngai bơh nam 2021-2030, sền sơnơng tus nam 2050.