Jăt mờ hơ̆, Anih duh broă Làng bol kơ̆p kờñ mờ Jăt sền dan Chính phủ đơng lam jal mhar nàng lùp khào, lơh loh broă điểm pơrlòng môn Toán ờ di bè ờs tàm càr Tuyên Quang; tơnguh broă tam dră mờ broă lơh, kă bro phan ờ ngan, phan sa ờ ngan, sơnơm ờ ngan; lơh pràn broă rơcang kơrian kòp mprơm gơlik mhàm; bơsong tìs tàm broă lip sră; tơrgùm lùp sền, toh wơl phan bơna tàm ală dơ̆ pơrlồm jăt broă lơh “Lơh broă bal kàl rơlô bơkang”; mờ gàr niam rơcang kơrian mờ crùh ồs sa, gùng lòt tàm dà mờ bơsong jơh ală broă yal yă yal khài gal cau, jŏ tơngai.

Kung tàm dar pơrjum, Anih duh broă Lơh kơnòl broă sùm Quốc hội pơgồp jơnau đơs bè ală jơnau rơcang cih Adăt boh lam tam gơl, bơtơl ờ uă bơta tàm Adăt Anih priă jền Dà lơgar Việt Nam; Adăt rơcang kơrian kơñao priă; Adăt Pal, bơto bơtê adăt boh lam (tam gơl); Adăt bơsong jơnau tàm ƀòn lơgar (tam gơl) mờ ờ uă tơngu me kwơ màng ndai.