Gia Lai kĭ ring bal ală jơnau lơh nền lòt nhơl brê bơnơm dờng tàm Kon Ka Kinh mờ Kon Chư Răng
Thứ sáu, 06:00, 10/07/2026
Cau mblàng: K’Duẩn/ VOV Tây Nguyên
Cau mblàng: K’Duẩn/ VOV Tây Nguyên
VOV.K’Ho - Anih duh broă Làng bol càr Gia Lai pa kĭ ring bal Ală jơnau lơh nền lòt nhơl brê bơnơm, ơm rlô să, nhơl ñŏ lơh prài bồ tơngoh tàm Tiah sền gàr brê bơnơm geh is Kon Chư Răng mờ Brê dà lơgar Kon Ka Kinh, pờ gùng bơtàu tơnguh lòt nhơl pơgồp bal mờ sền gàr brê mờ bơta li la jơi phan kis.
Tàm Kon Chư Răng rơp lơh gơs 5 anih, 8 gùng lòt nhơl jòng mờr 190 kơi sồ; jơnau kờñ lơh geh tus nam 2045 là wă mờr 150 rbô dơ̆ nac, priă lơh geh bơh lòt nhơl geh rlau 225 tơmàn đong pah nam. Tàm tŭ hơ̆, Kon Ka Kinh rơndap ù tiah 5 anih, 12 gùng lòt nhơl jòng mờr 201 kơi sồ, ngui ù tiah brê bơnơm geh is mờ bơta niam chài bơh jŏ kòn cau Bahnar dê, wèt tus priă lơh geh mờr 78 tơmàn đong pah nam tàm nam 2045. Càr Gia Lai sồr tơl broă lơh bơcri priă pal lơh jat nền nòn jơnau cih bơh Adat tam sền gàr brê dê, ờ gŏ di tam gơl tiah ơm kis, ai lài ală broă lơh rềp mềr mờ brê bơnơm geh is mờ sền gàr kloh niam tiah kis brê.
Viết bình luận