Ala măt kwang đơng lam Đảng mờ Dà lơgar, Thủ tướng jờng rơ nùs nhơm lơh broă geh kơnòl, nùs nhơm khin cha jăk chài, ờ ngòt ngòt rơngơ̆t mờ trồ tiah ờ niam bơh kwang bàng, cau ling tàm tơngai lơh kơnòl broă tàm ală lơgar.

Cau lam bồ Chính phủ đơs nền, ală cồng nha mờ mpồl neh lơh geh ờ mìng ai tơngŏ bơta pràn broă lơh ling klàng, lơh broă jăk chài uă bơh mpồl lơh broă dong kờl cau lơgar Việt Nam dê, mờ gam lơh geh uă bơta pràn kơl dang jơnau yal bè dùl dà lơgar Việt Nam pràn kơl dang is, nùs nhơm kờñ gơboh bal, geh kơnòl bal mờ mpồl bơtiàn ală lơgar. Thủ tướng sồr ală bộ, gah lơh broă pơn jăt tai sền gròi, lơh niam broă drơng gàr, mờ ai tơl bơta niam ngan àng mpồl lơh broă dong kờl ngai sơlơ jăk chài, ngăc ngar, tŭ lơi kung rơcang lài tàm dră mờ tơl ală bơta gơlik geh.