Gùng lòt “Oh gơboh Dà lơgar tờm Việt Nam” là broă lơh geh ngan mblàng yal, bơto bơtê ai cau tàm mpồl kơnòm dềt, kơnòm dềt ƀòn dờng Hồ Chí Minh in bè rài kis, broă lơh kăc màng dờng màng bơh Chủ tịch Hồ Chí Minh dê; kah yau, bơhiàn dờng màng bơh Mpồl Kơnòm pa tàu Tiền phong Hồ Chí Minh, ală krơh niam tàm mpồl kơnòm dềt pơn rơ jak. Đơs tàm dơ̆ tìp mat, mò Võ Thị Ánh Xuân- Phó Chủ tịch lơgar kơ̆p kờñ ală sau tàm mpồl kơnòm dềt, kơnòm dềt pơn rơ jak geh dùl gùng lòt lơngăp lơngai, geh kwơ mờ geh gơtha, nàng tơl gùng lòt lòt gan rơ̆p dong ală sau in wă jrô ơnàng làm uă rlau tai bè kah yau jơi bơtiàn dê, bơtơl tai nùs nhơm gơboh ƀòn lơgar, dà lơgar, ròng bơta pơn yờ să mờ bơta gĭt wă kơnòl gơwèt mờ Dà lơgar Việt Nam dê.

Phó Chủ tịch đơs nền, Đảng mờ Dà lơgar sùm lời ai bơta sền gròi is ồn gơwèt mờ kơnòm dềt, lơh geh ală bơta nàng tơl nă kơnòm dềt in geh bơsram sră, bơsram tàp, bơtàu tơnguh tàm tiah ơm lơngăp lơngai, niam mờ lơh jat niam ngan rlau jơh bơta pràn bơh he dê. Phó Chủ tịch lơgar kơ̆p kờñ ală kấp ủy Đảng, gơnoar atbồ, Mặt trận dà lơgar, ală mpồl chính trị- mpồl bơtiàn, gah bơto tê, Đoàn Ơruh pơnu mờ Đội Kơnòm pa tàu Tiền phong Hồ Chí Minh pơn jat tai sền gròi rlau tai tus broă lơh sền gàr, sền gròi mờ bơto bơtê kơnòm dềt.