Tàm Anih tờm Ròng siam, sền gàr cau ling sồt să càr Nghệ An, ồng Trần Cẩm Tú neh lùp còp mờ pà phan 83 nă cau ling sồt să, cau ling kòp tê jê să in; 18 nă cau pròc mhàm tờm cau geh màng mờ dà lơgar 2 càr Nghệ An mờ Hà Tĩnh dê. Ala mat đơng lam Đảng, Dà lơgar, ồng Trần Cẩm Tú pơyua jơnau lùp còp đềt mềr, jơnau kah ưn ngài jơh nùs mờ ală nùs nhơm ki ngàm ngan rlau jơh tus ală cau ling sồt să, cau ling kòp tê jê să, cau pròc mhàm tờm cau geh màng mờ dà lơgar gam geh sền gàr, ròng siam, sơm tàm do.

Tàm càr Hà Tĩnh, ồng Trần Cẩm Tú mờ mpồl lơh broă neh tus pơ dơng bơkàu, chu ñàng tàm tiah tềl kah yau sơnĕ 3 Đồng Lộc, tiah mờ 10 nă ùr ơruh lam lài Tiểu đội 4, Đại đội 552 neh khin cha jak chài chơt phi să tơnơ̆ dơ̆ tơ dùh ƀồm cui rơcai bol sò tơm dê. Khi phi să tŭ sơnam gam kơnòm ngan, neh cih gơs dùl jơnau đơs crih khin cha jak chài kis sùm jơi bơtiàn dê.