6 nhai bồ nam 2026, mpồl Kwang àng, Ling klàng mờ Mpồl ling sền gàr tiah nhàr lơgar càr Dăk Lăk neh rơcang lài pơgồp git bơta geh ngan, cribơyai, đal git bơta geh ngan jơnau yal tơnggit, tă pơgồp jơnau đơs mờ kâp ủy, gơnoar atbồ bơsong di tŭ ală broă bè lơngăp lơngai chính trị, rơndap tap sèng lơngăp lơngai mpồl bơtiàn, lơngap lơngai tiah nhàr lơgar; lam lơh ndrờm bal ală broă rơndap lơh sền gàr lơngăp lơngai jơh ală bơta ală broă chính trị kuơmàng.

Đơs pơn dut dơ̆ sền swì, Thiếu tướng ồng Cao Đăng Hưng - Phó Lam bồ Cơldŭ lơh broă Ƀộ Kwang àng jờng rơ cồng nha pơgồp bal bơh 3 mpồl dê; sồr pơn jat tai bơsram, lơh jat jơh nùs jơnau lơh nền sồ 3 Chính phủ dê, rơcang lài git, kờp dŭ lài broă gơlik geh bơh gờñ, bơh ngài, tơnguh cồng nha tàm pơgồp bal, di tŭ tă pơgồp jơnau đơs bơsong ală broă gơlik geh, ờ lời gơtìp rơmơp ndơl halà nisơna.