Gùt càr Lâm Đồng tŭ do geh 12 Ƀlàng tơ̆p ƀồc Cau ling chơ̆t màng, tàm hơ̆ 11 ƀlàng tơ̆p ƀồc gơwèt mpồl ai mẫu mờ kờp jơh 4 rơbô 776 bơtô ƀồc. Tus tŭ do, broă lơh ai mẫu neh lơh sir tàm 9 ƀlàng tơ̆p ƀồc, geh 6 ƀlàng tơ̆p ƀồc tàm ù tiah càr Dăk Nông yau, 2 ƀlàng tơ̆p ƀồc gơwèt càr Lâm Đồng yau mờ 1 ƀlàng tơ̆p ƀồc Cau ling chơ̆t màng tàm sàh Đức Linh, càr Bình Thuận yau.

Tŭ do ală mpồl gam tơrgùm ai mẫu tàm Ƀlàng tơ̆p ƀồc cau ling chơ̆t màng Dà Làc, tiah ơm rlô bĭc bơh rlau 2 rơbô 200 nă cau ling chơ̆t màng, tàm hơ̆ geh 651 bơtô ƀồc gơwèt mpồl kờñ ai mẫu sinh phẩm drơng broă sền gĭt ADN. Tơnơ̆ hơ̆, ală mpồl lơh broă ntrờn tus lơh tàm Ƀlàng tơ̆p ƀồc Cau ling chơ̆t màng càr Bình Thuận yau mờ 3 rơbô 431 bơtô ƀồc kờñ ai mẫu.