Mờr 30 jơnau tă pơgồp tàm pơrjum bơyai neh tơrgùm mblàng bơta ƀuơn mờ sồr đơs gùng dà broă lơh lam càr gơ gơs tiah gơguh tai pa, tàm tơrbŏ bal Tây Nguyên, tiah jat kềng gah dà lềng tàm gùl lơgar mờ Campuchia tơnơ̆ tŭ pờ ơnàng ù tiah bơtàu tơnguh kơnờm tơmŭt bal ù tiah nhàr lơgar.

Đơs tàm pơrjum bơyai, ồng Lương Nguyễn Minh Triết, Bí thư Tỉñ ủy càr Dăk Lăk đơs sùm, càr rơ̆p iăt kơno mờ lơh ngan ngồn ală jơnau đơs bơh cau gĭt wă jrô broă lơh dê gơ gơs broă lơh ngan ngồn, geh anih lơh broă kong kơnòl lơh loh. Jơnau kờñ là bơt bơtàu gơnoar atbồ bơceh lơh, drơng broă, ai làng bol mờ mpồl lơh sa kă bro lơh anih tờm, sền bơta bơtàu tơnguh bơh mpồl lơh sa kă bro mờ bơta niam tiah bơcri priă dê lơh bơta đo was geh cồng nha atbồ càr. Càr rơ̆p đơng lam bơyai lơh ală dơ̆ lơh broă mờ ală anih lơh broă dùl bă geh ngan, nền nòn rlau tơnơ̆ dơ̆ pơrjum bơyai do nàng lơh ngan ngồn ală jơnau kơlôi sơnơng.