Do là tiah lài mờ nam 2018 geh sền là “tiah kal ke” bè cau lơh tìs ma túy tàm tiah đah tô mat tơngai mut dà lơgar dê, mơya tŭ do neh gơ gơs ù tiah lơngăp lơngai, lơh sa- mpồl bơtiàn bơtàu tơnguh, làng bol kòn cau geh rài kis hờm ram, gơ boh gơ bài, gơ hòi gơ jà năc lòt nhơl tàm lơgar mờ lơgar ndai. Ala mat đơng lam Đảng, Dà lơgar, pơyoa tus ală cau ala mat mờ gùt làng bol tàm ù tiah do jơnau còp să jơh nùs, jơnau gờm chờ niam bơnĕ ngan rlau jơh, ồng Tô Lâm- Tổng Bí thư, Chủ tịch lơgar đơs nền, lòt gan 21 nam, Ngai chờ gùt làng bol sền gàr Lơngăp lơngai Dà lơgar neh gơ gơs broă lơh pah nam, geh gơtha dờng màng, pơgồp bơnah lơh uă tai nùs nhơm kăc màng, mblàng yal jơnau kờñ gơboh dà lơgar, nùs nhơm pơn yờ să jơi bơtiàn, jờng rơ bơta pràn mpồl bơtiàn. Đơs là, lơh jat broă sền gàr lơngăp lơngai dà lơgar là nàng lơh geh tiah niam ngan ai bơtàu tơnguh lơh sa mờ mpồl bơtiàn, ồng Tô Lâm- Tổng Bí thư- Chủ tịch lơgar kung sồr, ƀòn Loóng Luông, sàh Vân Hồ đơs is, càr Sơn La đơs bal, pal jơh nùs bơt bơtàu, pờ ơnàng ală broă lơh tàm bơtàu tơnguh lơh sa – mpồl bơtiàn nàng tơl hìu bơnhă, tơl nă làng bol in geh rài kis niam rlau, pas gơs rlau, jơnau kờñ là Làng bol geh lơngăp lơngai, geh rài kis ngai sơlơ niam rlau tai.

Di dơ̆ do, ồng Tô Lâm- Tổng Bí thư, Chủ tịch lơgar bal mờ kwang bàng đơng lam bồ Đảng, Dà lơgar neh jàu uă bơnah phan pà kấp ủy, gơnoar atbồ ƀòn Loóng Luông mờ sàh Vân Hồ; cau geh bơngă pin dờn, kra ƀòn, lam bồ ƀòn geh cồng nha jak ngan tàm srơh sền gàr lơngăp lơngai dà lơgar mờ cau tàm mpồl tus bal sền gàr lơngăp lơngai, rơndăp tăp sèng pơn rơ jak tàm ù tiah do dê; ală hìu bơnhă chính sách, hìu bơnhă geh rài kis kal ke.