Tam gơl rơndap ù tiah, ai lài bơcri priă lơh 2 gùng rơndeh lòt mhar gan càr Dăk Lăk lài mờ nam 2030
Thứ sáu, 06:00, 17/07/2026
Cau mblàng: K’Duẩn/ VOV Tây Nguyên
Cau mblàng: K’Duẩn/ VOV Tây Nguyên
VOV.K’Ho - Jơnau yal tàm dơ̆ pơrjum ƀău drim ngai 16/7, Anih duh broă Làng bol càr Dăk Lăk pà git, jat Jơnau lơh nền sồ 1088 bơh Ƀộ Bơt bơtàu dê, gơl gùng rơndeh lòt mhar Pleiku - Buôn Ma Thuột - Gia Nghĩa jòng rlau 260 kơi sồ neh geh tam gơl tŭ tơngai hơ pơrgon bơcri priă lam lơh lài mờ nam 2030.
Rơndap broă lơh geh kờp jơh priă bơcri lơh kờp dŭ mờr 70 rbô tơmàn đong. Kung jat Jơnau lơh nền sồ 1088, gơl gùng rơndeh lòt mhar Phú Yên - Dăk Lăk geh tam gơl broă bơcri priă tus lài mờ nam 2030. Jat rơndap ù tiah, tơngai dơ̆ 1 jòng mờr 122 kơi sồ, tơrbŏ bơh anih ơhò ơm Bãi Gốc, càr Phú Yên yau tus Buôn Hồ, càr Dăk Lăk; tơngai dơ̆ 2 pơn jat tai jŏ jòng bơh Buôn Hồ tus tiah nhàr lơgar đah Việt Nam mờ Campuchia. Broă 2 gơl gùng rơndeh lòt mhar kuơmàng gan càr Dăk Lăk geh ai lơh lài mờ nam 2030 là bơta tam gơl kuơmàng ngan, pờ gơs ù tiah bơtàu tơnguh pa mờ sơlơ tơnguh tai bơta tàm tơrbŏ bal ai càr Dăk Lăk in ngui bơta ƀuơn, bơta pràn tơnơ̆ tŭ tơmut bal.
Viết bình luận