Pà phan tơn ală cau ling sồt să, cau ling kòp tê jê să in, ồng Lê Minh Hưng - Thủ tướng Chính phủ ai tơnggŏ bơta ngoh rơngac uă ngan mờ pơyua jơnau lùp đềt mềr, kah ưn ngài uă ngan rlau jơh tus jơh gùt cau ling sồt să, cau ling kòp tê jê să, cau geh màng mờ dà lơgar tàm gùt lơgar. Thủ tướng đơs nền, git loh bơhiàn “Hùc dà kah tô dà” mờ jơnau bơto sồr Chủ tịch Hồ Chí Minh dê, tàm sùm 79 nam do, Đảng mờ Dà lơgar sùm sền gròi, lam lơh niam broă lơh kis git jơnau git adat. Ală gùng dà, broă lơh dong kờl ngai sơlơ lơh sir, cau geh dờp bơta dong kờl geh rề ơnàng. Srơh “Jơh gùt làng bol sền gàr ală hìu bơnhă cau ling sồt să, cau chơt màng mờ cau geh màng mờ dà lơgar” neh gơ rề pràn ngan, dờp geh bơta ring bal dùl nùs lơh jat bơh jơh gùt mpồl bơtiàn. Ală nùs nhơm mờ kơnòl hơ̆ neh tơrgùm gơ gơs bơta niam chài kòn bơnus, tàm pơn jat tai bơhiàn nùs nhơm niam jơi bơtiàn dê.

Thủ tướng đơs nền: Nùs nhơm khin cha jak chài mờ bơta phi să ală cau ling sồt să, cau ling kòp tê jê să dê là bơta mpờl gŏ bơh rài khin cha jak chài kac màng dê, là anih kơldìng nùs nhơm kơ̆ kơljap, gàr kơ̆ bơta pin dờn ai jơh gùt anih lơh broă chính trị in tàm broă lơh tam gơl pa dà lơgar.