Ala mat đơng lam bồ Đảng mờ Dà lơgar, ồng Tô Lâm, Tổng Bí thư, Chủ tịch lơgar neh yŭ rơyùm jàu pà bơnah phan pà dờng màng do ai mpồl Kwang àng Làng bol in nàng kờñ cih dờp ală tă pơgồp is ồn jak ngan tàm broă lơh sền gàr Dà lơgar.

Đơs đơng lam tàm dơ̆ bơyai lơh, cau lam bồ Đảng mờ Dà lơgar đơs sùm, tàm tơngai ală bơta pa, mpồl Kwang àng Làng bol pal pơn jat tai tam gơl pa bồ tơngoh kơlôi sơnơng, tơnguh bơta pràn jak kờp dŭ lài broă lơh kwơ màng, rcang lài lơh tơn jơh tơl kai kơrmơ̆i aniai bơh ală mpồl gơ jrañ kơ uềng dê. Tổng Bí thư, Chủ tịch sồr tơrgùm bơt bơtàu mpồl ngan ngồn sàng goh, kơ̆ pràn, chính quy, nhap nhar, pa ngan, di pal là nha kơryan lòs kơ̆ kơnhăp sền gàr Đảng, Dà lơgar mờ rài kis lơngăp lơngai làng bol dê.