Broă lơh dờng 500 ngai mang: Gia Lai lơh ngan ai mẫu ƀồc ntìng cau ling chơ̆t màng mờ sền gĭt muh mat ală cau ling khin cha jak chài, cau ling chơ̆t màng
Thứ năm, 15:17, 02/07/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho – Tàm ală bơta uă kal ke tài bơh tŭ tơngai tam lơh neh jŏ mờ bơnah uă ngan ƀồc ntìng neh lề, ală mpồl cau tus bal broă lơh dờng “500 ngai mang” tàm càr Gia Lai kung gam lơh ngan lam lơh ring bal broă lơh ai mẫu ƀồc ntìng cau ling chơ̆t màng, jòi tơrgùm wơl mờ sền gĭt muh mat ală cau ling khin cha jak chài, cau ling chơ̆t màng dê.
Bơh tŭ lam lơh broă lơh tus ngai 30 nhai 6, gùt càr Gia Lai neh ai geh 748 mẫu ƀồc ntìng cau ling chơ̆t màng drơng ai broă sền gĭt ADN; khà mẫu tơl ală bơta sền gĭt lơh geh pơgăp 48%, lòt jòi, tơrgù wơl geh 10 ƀồc ntìng cau ling chơ̆t màng.
Đại tá ồng Phạm Văn Đạt, Phó Chính ủy Bộ Ling klàng càr Gia Lai pà gĭt, ală mpồl tus bal broă lơh gam pơn jat tai jơh nùs lơh ngan hòi jà tơl bơta pràn nàng lơh sir jơnau kờñ neh geh ai, pơgồp bơnah gờñ sền gĭt muh mat ală cau ling chơ̆t màng ờ hềt gĭt mat, lơh geh bơta kơ̆p gơn ngan bơh cau pròc mhàm dê mờ wèt tus tơngkah kir sơn rai 80 nam Ngai Cau ling sồt să- Cau ling chơ̆t màng.
Viết bình luận