Tus tŭ do rơndăp broă lơh Hìu bơsram ơm sa bĭc tơn kấp dùl mờ kấp 2 tàm sàh Quảng Trực broă mut lơh bơnah broă lơh ală hìu neh lơh geh pơgăp 95%, bơnah lơh sir lơh geh pơgăp 30%.

Gơwèt mờ rơndăp broă lơh Hìu bơsram ơm sa bĭc tơn tàm hìu bơsram kấp dùl mờ kấp 2 tàm sàh Thuận An bơnah tờm broă lơh lơh geh 90%, ală bơta phan bơt bơtàu ndai lơh geh pơgăp 65% mờ bơnah lơh sir lơh geh pơgăp 30%. Nàng gàr niam tŭ tơngai mut lơh rơndăp broă lơh ală cau bơcri priă lơh neh tơnguh mpồl lơh broă, phan bơna măi mok, lam mut lơh tơnguh dơ̆ lơh broă, tơnguh mpồl lơh broă mờ lam lơh bal uă bơta broă. Ală bơta broă drơng broă tơn broă lơh bơto bơsram mờ ală bơnah broă kong gơrềng bơh kàl mìu geh ai lơh lài.