Broă lơh bơcri priă lơh hìu pơrjum mpồl bơtiàn pơgồp bal mờ broă rcang lài pleh dà tih dà lìu tàm ală thôn, ƀòn, làng bol tiah drà tàm ù tiah càr Dăk Lăk dê, tơngai dơ̆ 1, kờp jơh geh priă bơcri lơh rlau 170 tơmàn đong. Broă lơh nàng kờñ lơh ngan ngồn gùng dà broă lơh bơh Đảng mờ Dà lơgar dê bè sơlơ tơnguh tai bơta pràn jak rcang lài pleh mờ trồ tiah lơh aniai, gàr niam lơngăp lơngai ai làng bol in tềng đap bơta gơlik geh ngai sơlơ kal ke bơh tam gơl nhơm trồ tiah, mơkung lơh sir ală phan bơna drơng broă Làng bol in.

Jat broă rơndăp lơh, tơngai dơ̆ 1 rơ̆p bơcri priă lơh 100 nơm hìu pơrjum mpồl bơtiàn  pơpgồp bal mờ rcang lài pleh dà tih dà lìu tàm 27 sàh, sơnah ƀòn. Tơl broă lơh geh bă ù ơnàng lơh pơgăp 220 thơk vuông, bă ù ơnàng ngui rlau 440 thơk vuông, geh 2 cờn mờ bơnàng hìu bê tông lòs, rơkàng lòs kơ̆ kơnhăp mờ tiah pleh dà tih dà lìu. Ală broă lơh kờp dŭ rơ̆p lơh sir lài mờ ngai 15/9/2026, di tŭ ai mut ngui lài mờ kàl mìu càl rơbŭt nam do dê.