VOV4.K’Ho- Mho ngai 02/06, Thủ tướng ồng Phạm Minh Chính đơng lam Pơrjum lam lơh jăt Jơnau lơh nền tàm pơrjum 201 Quôk hội dê bè lơh tơrlòng lài gùng dà broă lơh, broă dong kờl bơtàu tơngguh hìu ơm mpồl bơtiàn.

VOV4.K'Ho - Tàm pơrjum dơ̆ 9, Quôk hội khoă XV, ală cau ala mat cribơyai tàm jơnum bè Jơnau rơcang cih jơnau lơh nền tàm pơrjum bơh Quôk hội dê bè ờ tă priă bơsram, dong kờl priă tă bơsram gơ wèt mờ kơnòm mầm non, kơnòm bơsram pe kâp, cau bơsram jơnau bơsram kâp pe tàm ală hìu bơsram tàm lơgar he. Uă cau ala mat đơs nền, do là broă dong kờl cèng bơta niam chài, bơta niam bơh gơnoar atbồ dê, gàr bơta ring bal tàm broă bơsram sră. Bulah bè hơ̆, pal sền sơ wì nền nòn bơta tàm pơnring kes priă bơh ală càr, ƀòn dờng dê, ngan là tiah kal ke tŭ lam lơh jat jơnau lơh nền tàm pơrjum do.

VOV4.K’Ho- Mho ngai 30/05, Củ tịc Anih duh broă Mặt trận Dà lơgar Việt Nam ồng Đỗ Văn Chiến lam bồ mpồl lơh broă lòt tus kơnhoàl Chư Păh, càr Gia Lai lơh jăt ală broă lơh dong kờl mpồl bơtiàn.

VOV4.K'Ho - Drim ngai 30/5, Mpồl tam klac cau ùr càr Dăk Lăk bơyai lơh Pơrjum tơn jơh ală jơnau lơh nền dong kờl cau ùr sơn đờm mut lơh broă mờ tus bal bơsong ală broă mpồl bơtiàn.

VOV4.K'Ho- Kờp tus ngai 26 nhai 5, broă lơh tơn jơh hìu sèt, hìu ồm ñhăt dà mìu tàm càr Gia Lai neh sơn đờm mŭt lơh 7 rơbô 631 nơm hìu, geh rơlao 93% pơn drờm mờ broă rơndăp lơh geh ai.

VOV4.K'Ho- Sờh Bơ̆t bơtàu càr Gia lai pa yal Ƀộ Bơ̆t bơtàu bè broă kờñ geh hìu ơm bal tơngai bơh nam 2025 tus 2030.

VOV4.K'Ho- Mho òr (27/05), Củ tịc Quốk hội ồng Trần Thanh Mẫn đơng lam dơ̆ pơrjum Anih duh broă lơh kơnòl broă sùm Quốk hội, pơgồp jơnau đơs bè jơnau rơcang cih Jơnau lơh nền tàm pơrjum tơrlòng lơh ờ uă gùng dà broă lơh krơi is bơtàu tơnguh hìu ơm mpồl bơtiàn.

VOV4.K'Ho- Jơnau lơh nền tàm pơrjum sồ 198 geh Quôk hội khoă XV ring bal ngai 17/5/2025, bè bàr pe gùng dà, broă lơh, bơta dong kờl krơi is bơtàu tơnguh lơh sa nă să is, gam lơh gơlik bơta pràn pa tàm ală mpồl lơh sa kă bro tàm gùt lơgar. Tàm càr Gia Lai, ală cau lơh sa nă să is dờp Jơnau lơh nền tàm pơrjum mờ bơta pin dờn mờ kơp kơnờm anih kă bro mờr tus rơp niam, loh làng, lơh gơlik bơnàng jă ai gah mpồl lơh sa kă bro nă să is in bơtàu tơnguh pràn kơldang.

VOV4.K’Ho- Càr Kon Tum geh jơnau kờñ tus lồi nhai 06 tus rơ̆p lơh sir jơh broă tơn jơh hìu ing, hìu ồm sèt ñhăt dà mìu ai làng bol in.

VOV4.K'Ho - Lơh jat srơh tơn jơh hìu ing, hìu ồm sèt nhăt dà mìu bơh Cíñ phủ lam lơh, Ƀộ Kwàng àng neh pơgồp bal mờ ală càr lam lơh broă lơh lơh git nđờ rbô nơm hìu nùs nhơm ai hìu bơnhă rƀah, hìu bơnhă pa jơh rƀah, hìu bơnhă geh sră dong kờl bơh dà lơgar mờ làng bol jơi bơtiàn dồ êt nă tàm ală càr Tây Nguyên in. Tàm càr Dăk Nông mờ càr Gia Lai, git nđờ rbô nơm hìu kơ̆ kơljap neh mờ gam geh lơh sir, pơgồp bơnah dong làng bol gàr kơ̆ rài kis, bơtàu tơnguh lơh sa mờ tơnguh rlau tai bơta pin dờn tàm ală broă lơh gàr lơngăp lơngai rài kis mpồl bơtiàn bơh Đảng, Dà lơgar dê.