VOV4.K’Ho- Thủ tướng Cíñ phủ ồng Phạm Minh Chính kĭ Jơnau sồr sồ 01 ngai 03/01/2025 bè broă rơcăng lài broă lơh gàr niam ai tơl đèng drơng kàl lơh sa kă bro mờ rài kis làng bol in tàm tơngai ngui uă đèng nam 2025 mờ tơngai bơh nam 2026- 2030.

VOV4.K’Ho- Tơn jơh bơta ờ gĭt sră là dùl tàm ală kơnòl broă kwơmàng pơgồp bơnah tơnguh uă bồ tơnggoh gĭt wă làng bol dê, tơngguh bơta niam rài kis làng bol in. Tàm càr Gia Lai, broă lơh do gam geh lam lơh jơh nùs ngan, is ồn là tàm tiah jơi bơtiàn dồ êt nă cau dê.

VOV4.K'Ho- Drim òr (30/12), Phó Thủ tướng Duh broă sùm Cíñ phủ ồng Nguyễn Hoà Bình neh tus mờ geh jơnau đơs tàm pơrjum tơn jơh broă jơi bơtiàn nam 2024 mờ lơh jăt kơnòl broă nam 2025.

VOV4.K’Ho- Tàm Hà Nội pa geh lơh Pơrjum bơsram mờ lam lơh jăt ală adăt, jơnau lơh nền tàm pơrjum geh ring bal tàm Dơ̆ pơrjum dơ̆ 08, Quôk hội khoă XV. Pơrjum bơh Củ tịc lơgar ồng Trần Thanh Mẫn mờ Thủ tướng Cíñ phủ ồng Phạm Minh Chính đơng lam, geh pờ tơn tàm internet tus 63 càr mờ ƀòn dờng tàm làm jơh gùt lơgar. Tàm pơrjum, Thủ tướng sồr “Cíñ phủ mờ Quôk hội pal mờ gơ̆p gờñ ai ală adăt, jơnau lơh nền tàm pơrjum mŭt tàm rài kis lơh geh jơnau kơ̆p gơn sùm bơh làng bol dê”.

VOV4.K’Ho- Rài tam lơh neh rŭc wơl ngài ngan mơya ală nam nhai “blah bơnơm Trường Sơn dong klàs lơgar” kung gam bềng lơm tàm jơnau kah wơl tàm cau ling lòt lơh gùng dê. Jơnau yal bơh ală cau tam lơh kah yau- ală cau tus bal tơn sền gàr gùng Trường Sơn, dong kờl bơta pràn bè cau, bơta pràn phan bơna dong kờl bơh tiah đah Tô Dà lơgar dê mut tàm tiah tam lơh đah Jum Dà lơgar, neh cih gơs ală pang kah yau dờng màng tàm gùng lòt Trường Sơn- gùng Hồ Chí Minh ndu gơnrơh, tă pơgồp dờng màng tàm broă lơh tơngklàs jơi bơtiàn, tơrgùm gùl Dà lơgar.

VOV4.K’Ho- Poh lài, Củ tịc Quôk hội ồng Trần Thanh Mẫn neh đơng lam pơrjum mờ ală anih lơh broă Quôk hội, anih lơh broă gơ wèt Anih duh broă Lơh kơnòl broă sùm Quôk hội, Cơldŭ lơh broă Quôk hội dê bè tơn jơh broă lơh nam 2024. Củ tịc Quôk hội ồng Trần Thanh Mẫn sồr broă lơh glài duh rơngòt bơta boh lam tàm anih lơh broă Quôk hội pal lơh jăt niam kràñ rlau. Lơh bè lơi nàng bơngăp, bơta pin dờn bơh Quôk hội dê pal geh tơngguh tai tàm mpồl bơtiàn, tàm làng bol. Kwơmàng là làng bol dòn Quôk hội, Quôk hội pal tài làng bol drơng broă.

VOV4.K’Ho- Bal mờ kơnòl broă sền gàr pràn kơl dang să jan ai kwang àng, cau ling sền gàr tiah nhàr lơgar, ală cau lơh sơnơm Mpồl ling sền gàr tiah nhàr lơgar càr Gia Lai dê gam tus bal sền gàr pràn kơl dang să jan ai làng bol tàm ƀòn lơgar. Gơwèt mờ ală cau lơh sơnơm cèng griăt tơlir, dong kờl làng bol tàm tiah nhàr lơgar ờ mìng kham- sơm kòp lơm mờ gam mblàng yal, hòi jà làng bol wă wờng rlau tai bè broă sền gàr pràn kơl dang să jan, rcang lài kơryan kòp, lơh kơ̆ kơl jăp tai bơta pin dờn bơh làng bol dê gơwèt mờ mpồl ling sền gàr tiah nhàr lơgar.

VOV4.K’Ho- Mpồl duh broă Làng bol càr Gia Lai pa ai lơh jat Jơnau lơh nền tàm pơrjum bè broă lơh dong kờl, gơ hòi gơ jà mờ bơto bơtê mpồl ƀák sĩ tàm ală hìu sơnơm Dà lơgar tơngai lơh broă bơh nam 2025-2030.

VOV4.K'Ho- Ngai òr (17/12), Ling mpồl 15 bơyai lơh ai ngui mờ jào pà 3 nơm hìu rông niam chài pà làng bol kòn cau Jrai kis tàm 3 xã tiah nhàr lơgar càr Gia Lai in.

VOV4.K’Ho- Tàm dơ̆ pơrjum dơ̆ 09, Mpồl duh broă Làng bol càr Dăk Lăk khoă X pa ring bal Jơnau lơh nền tàm pơrjum “Jơnau cih broă lơh dong kờl tai gơ wèt mờ kwang bàng, kông cưk kâp xã, viên cưk; cau lơh broă, cau lơh broă ờ lơh kơnòl broă sùm tàm kâp xã jơngkah tài bơh rơndăp tăp sèng mpồl lơh broă sră pơ àr gơnoar ătbồ kâp xã tơngai bơh nam 2023- 2030 tàm ù tiah càr Dăk Lăk.