Đơs tàm dar pơrjum, Củ tịc Quôk hội đơs sùm jơnau sồr tơnguh bơta niam broă lơh dong kờl adat boh lam bơh broă tơng gơs mpồl sền sơ wì song dơpă, tàm hơ̆ kờñ pal cih sồr ai jơnau đơs bơh làng bol mờ mpồl lơh sa kă bro dê ndrờm bè ală khà sơñio sền sơ wì pràn jak kâp càr. Jat Củ tịc Quôk hội, gah do geh gơ rềng tơn tus rài kis, broă lơh bơh làng bol dê den tàng jơnau rơcang cih kờñ pal sền sơ wì uă gah, gàr bơnĕ bơnài đah cau geh dờp bơta dong kờl mờ mpồl lam lơh. Pal đơs là jơnau rơcang cih kờñ pal rề ơnàng cau geh dong kờl, geh bal cau geh rài kis dimơ gơtìp kal ke, cau lơh broă gơtìp bơ trơh ờ ai lơh broă tai, geh tam pìt tam phà, kung bè rề ơnàng broă dong kờl tus mờ kơnòm dềt tàm ală broă geh gơ rềng. Mờ kung kờñ pal lơh tơl khà gơnoar broă, tơnguh bơta dong kờl mờ gàr gơnoar geh git jơnau yal ai cau lơh broă dong kờl adat boh lam in nàng kờñ tơnguh cồng nha lơh jat.