Càr tơlik jơnau kờñ tus nam 2030 geh bơh 80% khà hìu bơsram tơl khà dà lơgar; tơl nă kơnòm bơsram tàm geh bơsram tàm hìu bơsram ring bal, geh bơta niam uă. Ală tiah geh bơcri pria lài geh tiah sùm kong gơ rềng bơh trồ tiah lơh aniai, tiah geh broă lơh sa mpồl bơtiàn uă kal ke mờ ală hìu bơsram tàm broă rơndap lơh tơl khà dà lơgar. Bal mờ lơh pa git nđờ rbô ơdŭ bơsram tàm jơh ală kâp bơh mầm non tus pe kâp, Gia Lai kung sền gròi bơcri priă ală môn bè Đơs crih, wac sềr rùp, dà đơs lơgar ndai, tin họk mớ is ồn là ơdŭ bơsram STEM, lơh jat jơnau sồr bơh Jơnau bơto bơsram pe kâp pa dê mờ sồr lam lơh tam gơl sồ tàm bơto bơsram. Nàng lơh geh cồng nha ală jơnau lơh nền, anih duh broă làng bol càr Gia Lai jàu kơnòl broă mùl màl ai ală sờh, gah broă lơh mờ ƀòn lơgar in tàm broă sền sơ wì bă ù, sền sơ wì jơnau bơceh lơh, mờ kung pơgồp bal ală bơnah priă bơcri bơh ală broă lơh jơnau kờñ dà lơgar.