Broă lơh dờng “500 ngai mang lơh pràn lơh jăt lòt jòi, rờ tơrgùm mờ gĭt nền măt ƀồc ntìng cau ling chơ̆t màng” geh Ling mpồl 34 gĭt nền là kơnòl broă cíñ trị is ồn. Tơl broă jàu, kơnòl broă loh làng neh geh jàu tus tơl anih lơh broă, mpồl lơh broă in. Mùl màl, tàm nam do rờ tơrgùm 60 ƀồc ntìng cau ling chơ̆t màng mờ tus nhai 7/2027, pơnđơl rờ tơrgùm 100 ƀồc ntìng cau ling chơ̆t màng.

Nàng lơh geh jơnau kờñ neh ai, đơng lam Ling mpồl sồr ală anih lơh broă, mpồl lơh broă bơsram kơlôi sơnơng mờ lơh jăt niam bơta pal jăt “6 loh”: loh cau, loh broă, loh tơngai, loh kơnòl, loh phan bơna mờ loh gơnăp gơnoar. Broă tờm kwơmàng là rơcăng lài pơgồp bal mờ ală càr, ƀòn dờng, mpồl cau ling yau mờ làng bol nàng jòi lùp, bơsong jơnau yal; lam lòt lùp sền, lơh broă rơndăp lơh lòt jòi rờ tơrgùm di mờ mùl màl ù tiah ƀòn lơgar dê.