Đơs tơn jơh dar pơrjum dơ̆ 56 bơh Anih duh broă Lơh kơnòl broă sùm Quôk hội, dar pơrjum dŭt ndơl bơh Quôk hội khŏa XV dê, Củ tịc Quôk hội ồng Trần Thanh Mẫn đơs sùm, tàm jơh tơngai lơh broă pa do, Anih duh broă Lơh kơnòl broă sùm Quôk hội neh sùm tam klăc bal, lơh ngan, geh kơnòl, pơgồp bal niam mờ Cíñ phủ, ală anih lơh broă geh gơrềng nàng lam lơh jat mpồl broă dờng ngan, jơnau sồr uă ngan, tàm hơ̆ uă kơnòl broă ờ hềt geh bơh lài tus tŭ do, kwơ màng, kal ke, pơgồp bơnah tàm cồng nha bal bơh Quôk hội khoă XV mờ bơta bơtàu tơnguh bal bơh dà lơgar dê.

Củ tịc Quôk hội ồng Trần Thanh Mẫn đơs nền, tus tơngai tŭ do, broă lơh rcang ai pơrjum dơ̆ 1, Quôk hội khoă XVI in sền bal neh geh rcang tơl làm đau, nền nòn, jat nền gùng dà broă lơh, gùng dà pơlam dờng bơh Đảng dê, jơnau sồr bơh bơta geh ngan mờ jơnau sồr bơh adat boh lam dê. Củ tịc Quôk hội ồng Trần Thanh Mẫn tơngkah, bulah tơngai lơh broă khoă XV dê mờr jơh, mơya kơnòl bơh Anih duh broă Lơh kơnòl broă sùm Quôk hội, ală anih lơh broă bơh Quôk hội dê kung gam dờng ngan, bơh tŭ do tus di tŭ Quôk hội pồ geh Anih duh broă Lơh kơnòl broă sùm Quôk hội mờ pồ tơl kwàng bàng ală anih lơh broă bơh Quôk hội khoă XVI dê, lơh sir broă tàm jàu đah 2 tơngai lơh broă.