VOV.K'Ho- Ngai 28/1, Mpồl Tam klăc Cau ùr càr Dăk Lăk bơyai lơh jàu pà ală broă lơh tơrlòng lài broă lơh broă sa ai cau ùr rƀah, rài kis kal ke tàm mpồl in tàm ală sàh tiah nhàr lơgar càr dê.

VOV.K’Ho- Pơn jat tai lơh Broă lơh tơn jơh hìu lơh ing, hìu ồm sèt nhăt dà mìu, Kwang àng càr Lâm Đồng pa bơyai lơh dơ̆ sơnđờm ai mut ơm, tàm jàu tai 6 nơm hìu pà ai ală hìu bơnhă làng bol geh rài kis kal ke uă tàm 2 sàh tiah nhàr lơgar Thuận Hạnh mờ Dăk Wil.

VOV.K’Ho- Tàm dar pơrjum Anih duh broă Lơh kơnòl broă sùm Quôk hội dơ̆ 53 pa do, Củ tịc Quôk hội ồng Trần Thanh Mẫn đơs sùm, tơnơ̆ cồng nha Pơrjum dờng dơ̆ XIV bơh Đảng dê, kơnòl broă tờm rơp tam gơl tus broă lơh rơcang sa tềp bơhiàn dà lơgar mờ rơcang tĕ khà cau ala mat Quôk hội khoă XVI, cau ala mat Mpồl duh broă Làng bol ală kâp, tơngai lơh broă bơh nam 2026 tus nam 2031.

VOV.K’Ho- Gờm chờ pơrjum dờng tĕ khà cau ala mat Quôk hội khoă XVI mờ Mpồl duh broă Làng bol ală kâp, tơngai lơh broă bơh nam 2026 tus nam 2031, tàm sàh tiah nhàr lơgar Ia Lốp, càr Dăk Lăk, Đảng ƀộ, gơnoar atbồ bal mờ làng bol gam jal mhar, jơh nùs lơh ală broă lơh rơcang nàng dơ̆ tĕ khà in geh bơyai lơh geh cồng nha, niam ờdo ờdă.

VOV.K’Ho- Gờm chờ Pơrjum dờng cau ala mat Quôk hội dơ̆ 14 bơh Đảng dê, mho ngai 15/1, Ling tiah 5 bơyai lơh dơ̆ sơnđờm mut lơh Hìu pơrjum mpồl bơtiàn ƀòn Kđoh, sàh pôs đồng kăc màng Cư Pơng, càr Dăk Lăk.

VOV.K’Ho- Tŭ do, ală anih lơh broă cíñ trị càr Gia Lai, bơh sàh, sơnah ƀòn tus kâp càr gam tơrgùm rơcang ală bơta pal geh nàng gàr dơ̆ tĕ khà cau ala mat Quôk hội khoă XVI mờ Mpồl duh broă Làng bol ală kâp tơngai lơh broă bơh nam 2026 tus nam 2031 in geh lơh niam lơngăp lơngai, làng bol lơh tờm mờ geh cồng nha.

VOV.K'Ho- Tàm nùs nhơm jơh gùt lơgar wèt tus Pơrjum dờng cau ala măt gùt lơgar dơ̆ XIV Đảng dê- broă lơh cíñ trị geh gơtha is ồn kwơmàng ngan gơ wèt mờ tơnơ̆ do bơtàu tơngguh dà lơgar dê, tàm Dăk Lăk, bơta pin dờn, kơ̆p gơn mờ nùs nhơm duh hồl chờ hờp gam gơrề làm uă tàm ală rơnàng làng bol. Bơh tiah làng bol tiah trà tus ƀòn tiah nhàr lơgar, bơh kwang bàng kâp hơđơm tus đoàn viên, ơruh pơnu, tơl broă lơh geh kwơ ngan ngồn ngai do ndrờm tơnggŏ nùs nhơm ring bal, bơta pin dờn kơnhăp kơ̆ tàm bơta đơng lam bơh Đảng dê mờ cồng nha lơh bơh Pơrjum dờng dê.

VOV.K’Ho- Tàm ală càr tiah tàm gùl lơgar mờ Tây Nguyên, Ling tiah 5 bơyai lơh tàm jàu hìu dơ̆ 2 bơh “Broă lơh Quang Trung”, bơh hơ̆, lơh sir broă lơh tơnơ̆ rlau 1 nhai lam lơh, gờñ rlau 5 ngai pơndrờm mờ tŭ tơngai Thủ tướng Cíñ phủ dê jàu.

VOV.K’Ho- Tàm sàh Tây Hòa, Kwang àng càr Dăk Lăk bơyai lơh jàu hìu ơm pà ală hìu bơnhă làng bol gơtìp tơrlah tơr lơm, dà cò pơr dô, gơtìp ờ diơng tài càl rbut dờng, dà tih dà lìu, ngan ngồn lơh gơs “Broă lơh Quang Trung”.

VOV.K’Ho- Ngai 15 nhai 3 tus do, cau tĕ khà gùt lơgar rơp lòt tĕ khà cau ala mat Quôk hội khoă XVI mờ cau ala mat Mpồl duh broă Làng bol ală kâp, tơngai lơh broă bơh nam 2026 tus nam 2031. Tàm càr Dăk Lăk ngai do, nùs nhơm rơcang ai tĕ khà in gam gơ rề bơh tiah drà tus ală ƀòn lơgar. Broă lơh mblàng yal bè tĕ khà geh lam lơh gờñ, ndrờm bal làm gùt ală tiah, dong làng bol git loh gơnoar, kơnòl mờ ală tŭ tơngai kuơmàng. Bơdìh mờ broă gàr niam tŭ tơngai lam lơh mờ ală broă jat jơnau sồr, broă lơh cribơyai, ring bal khà mờ rơndap tap sèng cau ala mat geh ai tơlik bè jơnau sồr pal lơh sùm, tàm hơ̆ đơs sùm tus bơta ala mat gơ wèt mờ cau jơi bơtiàn dồ êt nă cau mờ cau ùr.