VOV4.K’Ho- Bal mờ làng bol jơh gùt lơgar, làng bol tàm ală ƀòn lơgar bơh kơnhoàl tiah nhàr lơgar Tuy Đức, càr Dăk Nông kung gam hô hơng wă rò sơnam pa mờ bơta dòn kơ̆ bè dùl nam lơh geh cồng nha dờng, bal mờ Dà lơgar cơn đoà kơ̆ mut tàm rài pa, rài brồ să bơh jơi bơtiàn dê.

VOV4.K’Ho- Phó Củ tịc Quôk hội, Thượng tướng ồng Trần Quang Phương bal mờ mpồl lơh broă bơh Dà lơgar dê p tus còp, nting bơr chờ gờm Sa tềp ai kwang bàng, cau ling mờ làng bol bàr pe tiah tàm tiah nhàr lơgar gơ wèt 2 càr: Dăk Nông mờ Dăk Lăk. Phó Củ tịc Quôk hội đềt mềr jơh nùs ngan lùp còp, nting bơr chờ gờm Sa tềp ală kra ƀòn mờ sồr mpồl phàu crong tam klăc đềt mềr nùs nhơm ling klàng làng bol, pơn jăt tai lơh jăt niam ală broă lơh tơrlòng lài geh cồng nha bè đảng viên pơrjum mờ ci ƀộ thôn tiah nhàr lơgar, “Sơnam pa sền gàr tiah nhàr lơgar ram nùs làng bol ƀòn lơgar”, “Kòn ròng pôs đồng ling sền gàr tiah nhàr lơgar”, “Yờ cơnđoà jơng oh tus hờ klờng”.

VOV4.K’Ho- Ală ngai do tàm jơh gơl gùng tiah nhàr lơgar jòng 292 kơi sồ rềp nhàr bal mờ lơgar Lào mờ Campuchia, làng bol 13 xã tiah nhàr lơgar tàm càr Kon Tum gam hơ hưng nùs nhơm rcang wă rò Sa tềp bơhiàn Dà lơgar. Tàm jơnau ntas cing mồng mpoong tus, dà bồng bi pơrhê bơnĕ bơnài bal mờ bơta dơ ñiŏ bơh làng bol ală jơi bơtiàn tàm tiah do dê lơh geh rùp rài nam pa hô hơng mờ ram mhŭ. Sa tềp ờ mìng là dơ̆ bơtòm tơrgùm, mờ gam là tŭ nàng tam pà bal, tam klăc bal nùs nhơm ling klàng làng bol, lơh gơ rề uă bơta chờ hờp tiah gơl gùng lam lài Dà lơgar dê.

VOV4.K’Ho- Rcang wă rò Sa tềp bơhiàn Dà lơgar nam Ất Tỵ uă hìu bơnhă kal ke tàm tiah Tây Nguyên tus ơm tàm hìu ơm pa. Do là phan pà geh kwơ ngan, cèng wơl bơta chờ hờp mờ bơta gơn kơnờm ai tơl hìu bơnhă in lài mờ sơnam pa Ất Tỵ tus.

VOV4.K’Ho- Cíñ phủ lơh nền tă pà rlau 105 tấn phe bơh phe ơn prăp dà lơgar dê dong kờl mờr 2 rbô 300 hìu làng bol geh rài kis kal ke tàm càr Kon Tum in di dơ̆ Sa tềp bơhiàn dà lơgar dê nam Ất Tỵ 2025.

VOV4.K'Ho- Tàm ală ngai do, ală broă lơh Satềp dong kờl – Nam pa kờñ gơboh gam geh bơyai lơh uă tus tàm ală tiah gơtìp kal ke tàm càr Dăk Lăk dê.

VOV4.K’Ho- Di dơ̆ rơcăng wă rò nam pa Sa tềp Ất Tỵ 2025, tàm Hìu Quôk hội dê, Củ tịc Quôk hội ồng Trần Thanh Mẫn pa đơng lam dơ̆ tìp măt kwang đơng lam bồ Quôk hội lài do, Kwang bàng Anih duh broă Lơh kơnòl broă sùm Quôk hội lài do, kông cưk, viên cưk, cau lơh broă gơ wèt Cơldŭ lơh broă Quôk hội neh rê rlô lơh broă tàm Hà Nội.

VOV4.K’Ho- Ngai 16/01, Mpồl cau gơtìp sơnơm khih dioxin lơh aniai lơgar Việt Nam neh bơyai lơh broă lơh tìp mat, jàu broă lơh sa mờ pà phan sa tềp ai cau gơtìp sơnơm khih dioxin lơh aniai tàm ală kơnhoàl Ea H’leo, Krông Năng mờ Krông Ƀúk, càr Dăk Lăk dê in.

VOV4.K’Ho- Broă lơh “Nam pa Sền gàr tiah nhàr lơgar ram nùs làng bol ƀòn lơgar” neh mờ gam geh bơyai lơh tàm ală tiah nhàr lơgar tàm jơh gùt lơgar, là “bơta ưn ngài” bơh kwang bàng, cau ling Mpồl ling Sền gàr tiah nhàr lơgar gơwèt mờ làng bol ală jơi bơtiàn tàm tiah nhàr lơgar, bồt bơlào dà lềng wă rò Sa tềp ram mhŭ, chờ hờp chờ hờñ mờ tơl làm rlau, là dùl cơng tàng niam ngan bè bơta tam klăc ling klàng làng bol, bè bơta đềt mềr poăc mhàm bal đah Ling klàng Làng bol mờ làng bol ală jơi bơtiàn, pơgồp bơnah bơt bơtàu nùs nhơm rcang lài bơh làng bol dê kơ̆ kơl jăp, sền gàr tiah nhàr lơgar bơh Dà lơgar dê.

VOV4.K'Ho- Broă lơh “Mè ròng siam – Satềp kờñ gơgoh” Nam nam Ất Tỵ bơyai lơh drim òr (15/01) tàm càr Dăk Lăk neh lơh geh uă càr kờñ gơboh, dong kờl bè phan bơna bal mờ nùs nhơm nàng dong kờl kơnòm dềt kòn đời lài mờ Satềp tus.