Hìu pơrjum mpồl bơtiàn ƀòn Kđoh geh mòn lơh jat broă lơh hìu jòng bơhiàn yau ờs mờng bơh kòn cau Rơdê dê. Broă lơh kờp dŭ lơh sir mờ tàm jàu ai mut ngui tàm qúy 3 nam 2026. Tŭ lơh sir, Hìu pơrjum mpồl bơtiàn rơ̆p là tiah bơyai lơh ală broă lơh niam chài, tơrgùm pơrjum, mblàng yal gùng dà broă lơh bơh Đảng, adat boh lam bơh Dà lơgar dê; pơgồp bơnah bơtàu tơnguh rài kis nùs nhơm ai Làng bol in, sền gàr mờ ngui niam bơhiàn niam chài is jơi bơtiàn dê, mơkung drơng broă geh cồng nha kơnòl broă sền gàr dà lơgar- lơngăp lơngai tàm ƀòn lơgar.

Dùl ngai bal, Ling tiah 5 neh bơyai lơh Dơ̆ sơnđờm mut lơh Hìu pơrjum mpồl bơtiàn tàm thôn 12, sàh tiah nhàr lơgar Ia Rvê, càr Dăk Lăk. Broă lơh geh lơh jat hìu Pơrjum, pơgồp bơnah bơtàu tơnguh rài kis niam chài, nùs nhơm ai làng bol tiah nhàr lơgar in. Kờp jơh priă tă lơh 2 nơm hìu mpồl bơtiàn dê là 5 tơmàn đong.