VOV.K'Ho- : Thiếu tướng Trần Minh Trọng, Phó Cíñ uỷ Ling tiah 5 neh đơng lam dơ̆ lơh broă mờ Mpồl đơng lam Ling klàng càr Dăk Lăk mờ ală anih lơh broă gơrềng bal bè broă sền wơl broă rơcang Mŭt lơh broă lơh hìu bơsram bàr kấp tàm sàh Ea Rốk, càr Dăk Lăk.

VOV.K’Ho- Broă lơh rơcang ai dơ̆ tĕ khà cau ala mat Quôk hội khoă XVI mờ cau ala mat Mpồl duh broă Làng bol ală kâp tơngai lơh broă bơh nam 2026 tus nam 2031 gam geh lam lơh ndrờm bal, jơh nùs bơh dà lơgar tus ƀòn lơgar mờ bơta tờm là gàr di tŭ tơngai hơ pơrgon, di broă rơndap lơh, làng bol lơh tờm, loh làng mờ niam ờdo ờdă tàm jơh ală bơta. Bơh sok sền, jat sền tàm ƀòn dờng Huế mờ dar pơrjum lam lơh tàm càr Dăk Lăk, ală anih lơh broă geh gơnoar cih dờp uă cồng nha niam tàm đơng lam, cribơyai, bơto pơlam mờng chài lơh broă, jat sền ƀòn lơgar.

VOV.K’ho – Bơta sền gròi bơh Đảng mờ Dà lơgar dê pơn jat gơ rề tus ală ƀòn Tây Nguyên, pơgồp bơnah dong rài kis làng bol ală jơi bơtiàn dồ êt nă cau ngai sơlơ bơtàu tơnguh niam, nùs nhơm wă rò sa tềp sơlơ ram mhŭ, chờ hờp.

VOV.K’Ho – Di bồ nam pa 2026 mờ lài mờ sa tềp bơhiàn dà lơgar nam ơseh, drim ngai 05/02, Củ tịc lơgar ồng Lương Cường rê còp, nting bơr sa tềp tàm càr Phú Thọ

VOV.K’Ho- Tàm nùs nhơm brơn brài wă rò sa tềp bơhiàn dà lơgar nam Ơseh 2026, tàm tiah nhàr lơgar càr Gia Lai mờ Dăk Lăk, ală mpồl ling klàng bơyai lơh broă lơh “Sơnam pa tiah nhàr lơgar bềng lìu nùs nhơm ling klàng làng bol”, mờ uă broă lơh duh hồl, cèng tus dùl nam pa ram mhŭ tus mờ làng bol.

VOV.K'Ho- Di dơ̆ Sa tềp bơhiàn dà lơgar nam Ơseh 2026, ngai 4/2, Phó Củ tịc Duh broă sùm Mpồl duh broă Jơi bơtiàn Quôk hội bơh ồng Hoàng Duy Chinh lam bồ neh lòt còp, nting bơr gờm chờ Sa tềp mờ jàu phan pà ai 200 hìu rƀah là làng bol jơi bơtiàn dồ êt nă cau sàh nhàr lơgar Ia Rvê, càr Dăk Lăk in.

VOV.K’Ho – Drim ngai 04/02, tàm Hìu niam chài lơh broă càr – anih lơh broă đah mat tơngai mut, gơ wèt sơnah ƀòn Tân An, mpồl ala mat cau lơh broă càr Dăk Lăk bơyai lơh Broă lơh “Sa tềp bơ tòm tơrgùm mat – Nam pa ưn ngài Đảng” nam 2026, sền gròi sa tềp ai đoàn viên, cau lơh broă geh rài kis kal ke tàm ală sàh, sơnah ƀòn tiah đah mat tơngai mut càr dê in.

VOV.K’Ho- Ling mpồl 15 pa bơyai lơh broă lơh “Nam pa tiah nhàr lơgar đềt mềr nùs nhơm ling klàng làng bol” tàm sàh Ia Krái, càr Gia Lai mờ uă broă lơh duh hồl, cèng nam pa ram mhŭ tus làng bol kòn cau Jrai tiah nhàr lơgar đah mat tơngai mut càr dê.

VOV.K’Ho- Rơcang lài lam lơh gờñ mờ ndrờm bal ală kơnòl broă jat jơnau sồr, càr Quảng Ngãi gam tơrgùm rơcang ai dơ̆ tĕ khà cau ala mat Quôk hội khoă XVI mờ cau ala mat Mpồl duh broă Làng bol ală kâp, tơngai lơh broă bơh nam 2026 tus nam 2031 geh lơh làng bol lơh tờm, di adat boh lam. Bơh broă lơh mblàng yal, cribơyai ring bal kwang bàng tus ală bơta drơng tĕ khà in… gam geh ală tiah tàm càr rơcang wil tơl, nền nòn.

VOV.K'Ho-  Ngai òr (29/01), tàm Buôn Ma Thuột, càr Dăk Lăk, Cíñ phủ lơgar Việt Nam neh pơgồp bal mờ Kes priă bơtàu tơnguh Lơh sa suơn sre Ală lơgar mờ Kes priă Nhơm trồ tiah Tơlir mùl màl sơn đờm lơh Rơndăp broă tơrmù ờ uă ngan nhơm ƀơ̆ tơlik tàm tiah Tây Nguyên mờ Tiah jăt gah dà lềng Đah jum Tàm gùl lơgar (RECAF), mờ kờp jơh priă bơcri rơlao 102 tơlăk Dolar Mỹ.