Ala mat đơng lam Dà lơgar, Củ tịc lơgar đơs niam mờ nting bơr gờm chờ ală cồng nha mờ Đảng ƀộ, gơnoar atbồ, làng bol mờ mpồl phàu crong càr Phú Thọ neh lơh geh tàm nam 2025. Lài mờ sa tềp bơhiàn dà lơgar bơh jơi bơtiàn dê, Củ tịc lơgar sồr kâp ủy, gơnoar atbồ ală kâp càr Phú Thọ pơn jat tai pơlam lơh jat, lam lơh nền nòn, jơh nùs ală jơnau lơh nền, gùng dà broă lơh bơh Đảng, Dà lơgar dê bè gròi sền rài kis làng bol, bơyai lơh sa tềp nam ơseh 2026 gàr bơta chờ hờp, niam bơnĕ, ờdo ờdă, tềm pềr, is ồn là sền gròi wil tơl tus ală cau dờp bơta dong kờl bơh mpồl bơtiàn, lùp còp mè Việt Nam khin cha jak chài, cau ling sồt să, cau ling kòp tê jê să, hìu bơnhă cau chơt màng, cau geh màng mờ dà lơgar, cau lơh phan, cau lơh broă kal ke, cau rƀah. Di dơ̆ do, Củ tịc lơgar neh jàu pà 500 bơnah phan ai hìu bơnhă rƀah in, pà 500 bơnah phan ai cau lơh phan, cau lơh broă geh rài kis kal ke in.