VOV.K’Ho- Lơh jat “Broă lơh Quang Trung” bơt bơtàu, lơh niam wơl hìu ai làng bol tiah dà tih dà lìu in, Lữ đoàn Đặk kông 198 geh Ƀiñ củnh Đặk kông- Ƀộ Ling klàng jàu kơnòl broă lam lơh bơt bơtàu 18 nơm hìu ai ală hìu bơnhă làng bol thôn Phú Phong (sàh Hoà Thịnh, càr Dăk Lăk) in geh hìu gơtìp tơrlah tơrlơm jơh lơm. Mờ nùs nhơm sơr băc mhar, kràñ cê jơh nùs, rlau 1 nhai lam lơh, 5 nơm hìu neh lơh sir, ală hìu gam wơl gam tàm tơngai dŭt ndơl, Lữ đoàn gam lơh ngan nàng lơh sir gờñ broă lơh.

VOV.K’Ho – Broă lơh jơnau kờñ dà lơgar bơtàu tơnguh lơh sa – mpồl bơtiàn tiah làng bol jơi bơtiàn dồ êt nă cau mờ tiah kơh bơnơm bơh Quôk hội ai tơlik gam lơh geh cồng nha niam ngan tàm càr Dăk Lăk, bơh phan bơna kuơmàng pal geh, dong kờl lơh sa, prap gàr niam chài tus lơh sơnơm – bơto bơsram. Ală ngai do, cồng nha lơh geh sơlơ loh làng rlau tŭ ală rơndap broă lơh lơh bal ală mpồl lơh gơlik kơphe ngan ngồn cih dờp cồng nha, mờ ală rơndeh jun pơndiang kơphe bơh suơn mìr rê hờ ală anih lơh gơlik phan. Lơh bal tàm bơta dong kờl mờ lơh kòn gùng bơh dà lơgar dê, neh sơrlèt gan bơta do was cồng nha lơh sa, wèt tus tơnguh bơta tam klac mờ pin dờn tàm mpồl bơtiàn.

VOV.K'Ho- Củ tịc lơgar kĭ Jơnau lơh nền tàm pơrjum bè broă pà phan ai cau geh dà kơlhề mờ dà lơgar in di tàm Satềp nam pa Bính Ngọ 2026.

VOV.K'Ho- Ngai òr (05/01), Trung đoàn Kản sát kơ động, gơwèt Ƀộ Kwang àng pơgồp bal mờ Hìu jàm sồ 3, Kwang àng càr Lâm Đồng mờ Anih duh broă Làng bol sơnah ƀòn Hàm Thắng bơyai lơh Dơ̆ Mŭt ngui hìu pa tàm “Broă lơh Quang Trung”.

VOV.K'Ho- Drim òr (04/01), tàm thôn Phú Hữu, sàh Hoà Thịnh, Mpồl đơng lam Ling tiah 5 pơgồp bal mờ càr Dăk Lăk bơyai lơh ai ngui mờ jào 96 nơm hìu tàm “Broă lơh Quang Trung”, pà ală hìu làng bol geh hìu gơtìp tơrlah tài mìu dà tih dà cò lối nam 2025.

VOV.K'Ho- Mpồl lơh broă ƀòn dờng Đà Nẵng neh geh broă rơndăp lơh dong kờl phan Satềp Bính Ngọ 2026 mờ pà vé rơndeh ồs, rơndeh ôtô ai cau lơh broă geh rài kis gơtìp kal ke in rê Satềp.

VOV.K’Ho- Ală ngai kàl hàm nhai 8 nam 1945, tàm nggùl ù tiah brê bơnơm Việt Bắc, tàm Hìu duh khoai Tân Trào, Củ tịc Hồ Chí Minh neh jà Làng bol gùt lơgar Pơrjum dờng Tân Trào nàng tơng gơs Cíñ phủ ing, đơng lam dơ̆ tam lơh bơh làng bol Việt Nam dê. Làng bol dà lơgar Pơrjum dờng Tân Trào ngai 16 mờ ngai 17/8/1945 ờ mìng là broă cèng bơta tam gơl kuơmàng ngan bơh kac màng Việt Nam dê, mờ gam geh kah yau cih dờp là broă lơh sơn rờp bơh anih lơh broă ala mat gơnăp gơnoar làng bol dê – là mpồl sơn rờp ngan bơh Quôk hội Việt Nam dê tŭ do. Bơh Tân Trào, bồ tơngoh “làng bol là tờm”, “gơnăp gơnoar gơ wèt hờ làng bol” neh geh ơn bơnàng jă, gơ gơs là bồ tơngoh geh sồr lơh jat sùm tàm gùt tŭ tơngai bơt bơtàu dà lơgar Việt Nam lơngăp lơngai is, khat gơboh, tài làng bol.

VOV.K’Ho- Tàm càr Khánh Hòa, Ƀộ Kwang àng bơyai lơh Pơrjum mờng chài lơh broă yal tơnggit jơnau cíñ trị, mblàng yal rơcang, kơryan trồ tiah lơh aniai mờ tàm jàu broă lơh “Broă lơh Quang Trung”, tơnguh mhar tơngai hơ pơrgon lơh pa, lơh niam wơl hìu ơm dong làng bol tiah gơtìp trồ tiah lơh aniai gờñ gàr bè ờs wơl rài kis.

VOV.K’Ho- Tiah tàm gùl lơgar mờ Tây Nguyên là sèng ù uă tơngai càl, mơya kung kong ờ dồ ết mìu càl rơbŭt dờng, mìu dờng dà tih dà lìu, tơrlah ù, trồ tiah lơh aniai kơn jơ̆ kơn jŭt ngan. Pah kàl mìu càl rơbŭt dờng lòt gan, làng bol tiah do pal lơh ngan rcang lài pleh mờ ală bơta roh rui, bơta sơbơng roh digơlan gơlik geh. Tàm ală tŭ tơngai kal ke hơ̆, kwang bàng, cau ling mpồl ling phàu crong Ling tiah 5 sùm geh mat di tŭ, lòt bal mờ làng bol. Bulah mìu càl, dà tih dà lìu dờng, sơbơng roh bơh dơ̆ tơrlah bơnơm, ală bi ờ rngòt bòl glar kal ke, tram să he dê tàm dà tih dà lìu dờng dong làng bol, jòi cau gơtìp gơtơ̆p bồr, dong làng bol sơr lèt gan bơta kal ke rềs àr.

VOV.K’Ho- Tơnơ̆ 1 nhai lam lơh Broă lơh Quang Trung dong kờl hìu ơm sơrbăc mhar ai làng bol tiah dà tih dà lìu in, càr Dăk Lăk gam tơnguh mhar lam lơh mờ nùs nhơm sơrbăc mhar- kràñ cê jơh nùs.