VOV4.K’Ho- Bơh 14 nam lam lơh jat, broă lơh tă tơm priă drơng broă tiah brê neh hời rơ hời cèng wơl broă lơh broă sa sùm mờ kơ̆ kơl jăp ai rlau gĭt nđờ jơ̆t hìu bơnhă làng bol tàm càr Lâm Đồng in, uă ngan là ală hìu bơnhă làng bol jơi bơtiàn dồ ết nă cau. Dờp geh bơta kwơ geh ngan bơh brê dê den bơta gĭt wă mờ geh kơnòl tàm broă lơh atbồ, sền gàr brê bơh mpồl bơtiàn tiah do dê ngai sơlơ geh bơtàu tơnguh, sền gàr geh cồng nha brê bơh tiah do dê.

VOV4.K’Ho- Poh lài, tơnơ̆ tŭ tơn jơh Dơ̆ pơrjum dơ̆ 08, Quôk hội khoă XV, ồng Phan Đình Trạc, Kwang bàng Ƀộ Cíñ trị, Ƀí thư Đảng Dà lơgar, Kwang ătbồ Mpồl Broă cíñ trị dơlam lơgar Dà lơgar dê bal mờ Mpồl Cau ala măt Quôk hội càr Lâm Đồng. Cau tĕ khà càr Lâm Đồng neh đơs uă broă kwơmàng, tàm hơ̆ broă bơtàu tơngguh broă lơh broă sa làng bol in gơ jăt bal mờ broă lơh ătbồ sền gàr brê, bơta pơn jê pơn sồt, lơh lơngah lơngañ tàm bơsong sră pơ àr gơnoar ătbồ.

VOV4.K'Ho- Geh 33 nă kra ƀòn mờ cau dờng sơnam geh pơnrơ jăk tàm càr Dăk Lăk neh geh jờng rơ drim òr (05/12) mờ ală cồng nha tàm broă lơh “Gùt làng bol sền gàr bơta lơngăp lơngai Dà lơgar” tơngai bơh nam 2019 tus 2024.

VOV4.K'Ho- Tàm tơngai pa do, kwang àng càr Dăk Lăk neh lơh jăt rơndăp broă lơh 1 rơbô 200 nơm hìu bơta nđàc pà hìu rơƀah, hìu nhă geh sră dong kờl bơh mpồl bơtiàn mờ hìu làng bol jơi bơtiàn ờ gal cau tàm càr do. Do là rơndăp broă lơh geh Ƀộ Kwang àng lơh tàm càr Dăk Lăk tàm broă lơh gùt lơgar tus bal tơn jơh hìu sèt, hìu ñhăt dà mìu. Mờ broă kờñ lơh ngan uă, geh kơnòl uă bơh mpồl kwang àng bal mờ gơnoar atbồ ală kấp tàm càr dê, mìng tơnơ̆ mờ tàm tơngai ờ jŏ, 1 rơbô 200 hìu rơƀah, hìu pa lik klàs rơƀah tàm càr Dăk lăk neh geh mŭt ơm tàm ală hìu pa, geh uă bơta nđàc – kơnòl.

VOV4.K’Ho- Drim ngai 04/12, Củ tịc lơgar ồng Lương Cường neh geh dơ̆ tìp mat mờ cau tĕ khà tàm ù tiah kơnhoàl Thường Xuân, càr Thanh Hóa.

VOV4.K’Ho- Tàm pơrjum dơ̆ 08, Quôk hội khoă XV, poh lài, ală cau ala măt neh cribơyai tàm hìu pơrjum bè rơndăp broă lơh Adăt Dia ngui sa is ồn (tam gơl). Ală cau ala măt gam kơlôi bè jơnau cih khà dia ngui sa is ồn gơ wèt mờ dà jơh tơhìr geh sơdàng, ơlak ƀièr mờ jràu. Tài bơh do là ală bơta phan ngui sa geh gơrềng tus pràn kơldang să jan.

VOV4.K’Ho- Tiah nhàr lơgar ngài ngan (xã Quang Chiểu, kơnhoàl Mường Lát, càr Thanh Hóa) geh 1 ơdŭ bơsram is ồn, geh sơnđờm bơh dơ̆ jơh sào piang mang mờ tơn jơh tŭ mang jơla. Do là ơdŭ is ồn, tài bơh cau bơsram tàm do ndrờm là ală cau dờng sơnam, tài bơh uă jơnau gơbàn krơi is ờ geh lòt bơsram den ờ hềt gĭt akhar. Mờ mìng tŭ kwang bàng, cau ling Mpồl Lơh sa Ling klàng 5 (Ling tiah 4) tus hòi jà, pờ ơdŭ tơn jơh ờ gĭt akhar do den làng bol tàm ƀòn kờñ ngan, brơn brài, bal mờ gơ̆p lòt bơsram.

VOV4.K'Ho- Càr Gia Lai ai jơnau kờñ tơn jơh rơlao 3 rơbô nơm hìu sèt, hìu ñhăt dà bơh ală cau geh màng mờ dà lơgar, hìu rơƀah mờ hìu pa lik klàs rơƀah.

VOV4.K’Ho- Drim òr (26/11), Quôk hội cribơyai bè ală jơnau yal rcang lài kơryan cau lơh tìs, lơh jat jơnau lơh nền bơh aniah cah rơña dê mờ bơsong jơnau dan bơh cau tĕ khà dê.

VOV4.K’Ho- Ngai do 25/11, Quôk hội mŭt tàm poh lơh broă dŭt ndơl. Ngai do, ală cau ala măt Quôk hội cribơyai tàm hìu pơrjum bè rơndăp broă lơh Adăt tam gơl, bơtơl bàr pe bơta bơh Adăt Yal tơnggĭt dê.