VOV4.K’Ho- Broă lơh “Nam pa Sền gàr tiah nhàr lơgar ram nùs làng bol ƀòn lơgar” pa geh Mpồl ling sền gàr tiah nhàr lơgar bơyai lơh tàm 2 kơnhoàl tiah nhàr lơgar bơh 2 càr Gia Lai mờ Dăk Lăk. Broă lơh do ờ mìng là phan pà phan bơna, dong làng bol wă rò sa tềp wil tơl rlau, mờ gam là dăng che bơrkoăt nùs nhơm ling klàng làng bol, bơrkoăt kơ̆ rlau tai bơta gĭt gơ̆p đah mpồl ling sền gàr tiah nhàr lơgar mờ làn bol ală jơi bơtiàn, lơh geh bơnàng jă kơ̆ kơl jăp ai dùl tiah nhàr lơgar ring lơngai, hờm ram.

VOV4.K’Ho- Mpồl lơh broă bơh Ƀộ Kwang àng pa bơyai lơh kham kòp, pà sơnơm ờ sa priă mờ jàu pà phan sa tềp ai làng bol tàm 2 xã Ea Tiêu mờ Ea K’tur, kơnhoàl Cư Kuiñ, càr Dăk Lăk.

VOV4.K’Ho- Tàm tŭ tơngai măy mŏk sồ bơtàu tơngguh pràn kơldang ù tiah internet là tiah lơh broă, nhơl rài bồ tơngoh ờ gơtùi ờ geh tàm rài kis pah ngai, mơya pơn jăt bal mờ hơ̆ là ală jơnau pơhìn lơh roh lơngăp lơngai jơnau yal tơnggĭt ngai sơlơ gơguh. Ală jơnau pơhìn do gơgơs mpờl gŏ loh làng rlau mờ kơnòm dềt tài bơh uă ală oh ờ hềt geh bơta chài đal gĭt ală jơanu sơbơng roh kung bè broă chài rơcăng pleh rềs àr. Den tàng bè hơ̆, kờñ pal geh ală broă lơh bơto pơlam kơnòm dềt broă chài gĭt pờ mờ ngui điện thoại mờ internet dồ bă dipal.

VOV4.K'Ho- Sa tềp do, Mpồl Cữ Thập đỏ càr Dăk Lăk pơnđơl pràn lơh ngan sền gròi, dong kờl rlau 65 rơbô nă cau rƀah, cau geh rài kis kal ke, cau ƀuơn gơtìp aniai in.

VOV4.K'Ho- Tàm ală ngai do, mpồl ling neh pơgồp bal mờ gơnoar atbồ bal mờ gah, mpồl lơh broă geh gơnoar nàng bơyai geh uă broă lơh drơng gàr satềp ai cau rơƀah tàm càr Dăk Lăk in.

VOV4.K’Ho- Tàm ală ngai do, tàm kơnhoàl ù tiah Tây Nguyên geh lơh uă broă lơh lơh broă niam, dong kờl cau rơƀah rơcăng wă rò nam pa sa tềp bơhiàn dà lơgar dê nam Ất Tỵ.

VOV4.K’Ho- Cơldŭ lơh broă Quôk hội pa bơyai lơh Pơrjum tơn jơh broă lơh nam 2024, lam lơh kơnòl broă nam 2025. Tus mờ đơs tàm pơrjum, Củ tịc Quôk hội ồng Trần Thanh Mẫn sồr pơn jăt tai tam gơl pa gùng dà lơh broă, “lơh tam gơl pa wơl” mpồl lơh broă ală anih lơh broă Quôk hội dê, mhar lơh sir ală broă rơndăp tăp sèng tơrmù dipal ală Anih duh broă Quôk hội, ală mpồl anih lơh broă Anih duh broă Lơh kơnòl broă sùm Quôk hội, ală vụ, mpồl lơh broă, mpồl gơ wèt Cơldŭ lơh broă Quôk hội dê jăt jơnau sồr bơh Dà lơgar dê.

VOV4.K’Ho- Thủ tướng Cíñ phủ ồng Phạm Minh Chính kĭ Jơnau sồr sồ 01 ngai 03/01/2025 bè broă rơcăng lài broă lơh gàr niam ai tơl đèng drơng kàl lơh sa kă bro mờ rài kis làng bol in tàm tơngai ngui uă đèng nam 2025 mờ tơngai bơh nam 2026- 2030.

VOV4.K’Ho- Tơn jơh bơta ờ gĭt sră là dùl tàm ală kơnòl broă kwơmàng pơgồp bơnah tơnguh uă bồ tơnggoh gĭt wă làng bol dê, tơngguh bơta niam rài kis làng bol in. Tàm càr Gia Lai, broă lơh do gam geh lam lơh jơh nùs ngan, is ồn là tàm tiah jơi bơtiàn dồ êt nă cau dê.

VOV4.K'Ho- Drim òr (30/12), Phó Thủ tướng Duh broă sùm Cíñ phủ ồng Nguyễn Hoà Bình neh tus mờ geh jơnau đơs tàm pơrjum tơn jơh broă jơi bơtiàn nam 2024 mờ lơh jăt kơnòl broă nam 2025.