Pơrjum dờng geh bơta tus bal bơh ală cau mè Việt Nam khin cha jak chài, cau pròc mhàm bal mờ cau ling chơ̆t màng mờ mờr 200 nă cau ala mat ala ai rlau 7 rơbô nă cau tàm mpồl tàm jơh gùt lơgar dê. Yal cồng nha tơngai lơh broă bơh nam 2020-2025 pà gŏ Mpồl neh lam lơh uă broă lơh kah ưn ngài geh ngan, bơceh lơh, lơh geh cồng nha pal cih dờp; jơh ală broă jàu geh ai ndrờm lơh sir mờ uă tơngume sơr lèt broă rơndăp lơh bè priă lơh geh, tàm tơrbŏ, lơh di wơl jơnau yal bơtô bồc cau ling chơ̆t màng, dong kờl ntrờn ƀồc ntìng, lơh hìu ơm bơta nđàc, pà phan mờ broă lơh dong kờl is.

Ală broă lơh bơh Mpồl dê di mờ jơnau sồr, bơngă pin dờn ngai sơlơ geh đơs nền, gơ gơs ù tiah pin dờn bơh cau pròc mhàm cau ling chơ̆t màng, mpồl cau, mpồl lơh sa kă bro mờ là rƀàng tàm tơrbŏ đah Đảng, Dà lơgar mờ hìu bơnhă cau ling chơ̆t màng dê, pơgồp bơnah lơh gơrề uă nùs nhơm tàm lơgar mờ ală lơgar.