Do là ală hìu sơnrờp tàm “Broă lơh Quang Trung” geh lơh sir mờ tàm jàu tàm càr Dăk Lăk. 5 nơm hìu bơh Sư đoàn Ling lơh gùng 10, Ling mpồl 34 să tờm lơh, tàm jàu ai ală hìu bơnhă làng bol in ơm tàm thôn Trung Hòa mờ thôn Đông Hòa, sàh Sơn Hòa.

Tàm rlau 3 poh lơh, Sư đoàn Ling lơh gùng 10 neh pơgồp bal niam mờ kấp ủy, gơnoar atbồ ală tiah, Mpồl atbồ rơndăp broă lơh mờ ală cau tờm lơh; ring bal mờ ală hìu bơnhă bè broă rơndăp lơh phan bơt bơtàu, lam sơnđờm lơh bơh ngai 6/12/2025. Tus tŭ do, tơl nơm hìu neh lơh sir mờ bơta ơnàng 44 thơk vuông, kờp jơh priă tă lơh 170 tơlak đong dùl nơm hìu bơh Dà lơgar dong kờl bal mờ mờr 300 nă cau lơh broă bơh cau ling mờ bơta dong kờl bơh làng bol dê. Tơnơ̆ 5 nơm hìu do, kờp dŭ tàm ngai 04/01/2026, Ling tiah 5 rơ̆p pơgồp bal mờ ală càr Dăk Lăk, Gia Lai mờ Khánh Hoà tàm jàu hìu dơ̆ 1 ai 123 hìu bơnhă in mờ 123 nơm hìu. Tàm hơ̆, càr Dăk Lăk uă ngan rlau jơh mờ 90 nơm hìu.