VOV4.K'Ho - “Ală sở, gah broă lơh, ală tiah pal jơh nùs lam lơh ală broă lơh, tă bơsong kal ke nàng tơnguh mhar tơngai ai priă bơcri dà lơgar tàm ală nhai gam wơl bơh nam 2023 dê”, do là dùl tàm ală tơngume geh kwang đơng lam bồ càr Dăk Lăk đơs nền tàm dơ̆ pơrjum ờs mờng nhai 10 geh lơh tàm ngai 08/11.

VOV4.K'Ho - Tàm xã Ea Tiêu, kơnhoàl Cư Kuiñ, càr Dăk Lăk pa geh lơh Ngai chờ tam klac dờng gùt jơi bơtiàn nam 2023 mờ uă bơta nhơl ñŏ ờs mờng bơh yau chờ hờp, duh hồl mờ ală broă lơh gàr lơngăp lơngai rài kis mpồl bơtiàn geh kuơ ngan ngồn. Củ tịc Mpồl duh broă jơi bơtiàn Quôk hội ồng Y Thanh Hà Niê Kdăm mờ Kwang atbồ Cơldŭ lơh broă Quôk hội ồng Bùi Văn Cường neh tus bal ngai chờ mờ làng bol tàm do.

VOV4.K’Ho- Drim òr (07/11), Ủy ƀan Ñân zân (UɃÑZ ) càr Dăk Lăk bơyai lơh Dơ̆ lam sồr pơrlòng tàm internet jòi sền nàng git broă lơh niam wơl sră nggal càr Dăk Lăk nam 2023.

VOV4.K’Ho- Tàm ală kơnhoàl tiah kơh bơnơm jơnhoa càr Quảng Nam ngai sơlơ geh uă đảng viên lam lài tàm bơtàu tơnguh lơh sa, brồ guh lơh pas. Ờ mìng lơh pas ai hìu bơnhă in lơm mờ ală đảng viên gam dong kờl làng bol kòn cau Cơ Tu lơh sa nàng lik klàs bơh rƀah dồ bă kơ̆ kơl jăp.

VOV4.K’Ho- Ală nam pa do ală broă lơh dong kờl bè sơntìl phan tam, phan ròng, phơng sih mờ bơta chài sơng ka sền gàr phan tam, phan ròng ai làng bol jơi bơtiàn dùl ết nă cau tàm ù tiah càr Kon Tum in neh pơgồp bơnah lơh ngan ngồn, ai tơl bơta niam nàng dong làng bol brồ guh tơn jơh jơgloh tơrmù rƀah. Tàm hơ̆, priă bơh ală Ngân hàng Cíñ sác Xã hội, mờ Ngân hàng Nông nghiệp mờ Phát triển Nông thôn geh gơnoar broă jơh nùs ngan.

VOV4.K'Ho- Lơh sơnơm mờ bơto bơsram là 2 broă geh cau tĕ khà sền gròi uă ngan; mờ poh lài, 2 broă do neh geh Quôk hội cribơyai uă ngan tàm pơrjum dơ̆ 6, Quôk hội khoă XV. Mùl màl, broă lơh sră măi mờ bơta tă pơgồp bơh mpồl bơtiàn dê, bơh hơ̆ lơh gơbàn broă ờ lơh nền kơ̆ dùl giă sră măi, giă gơguh kas ờ gơtùi gròi sền. Tàm gah lơh sơnơm, pal bơsong ală bơta ờ niam bè ờ tơl sơnơm, phan bơna, măi mok.

VOV4.K'Ho- Drim do, 02/11, Quôk hội sền sơ wì bơta lơh jăt kes priă Dà lơgar nam 2023.

VOV4.K'Ho - Tơnguh gơnoar rơcang is broă lơh sa mờ gơnoar broă bơh cau ùr dê bơh bơtàu tơnguh ròt ală mpồl lơh bal mờ tac phan bơh tờm Gai tơlir bơh cau ùr lơh tờm là rơndap broă dềt gơ wèt rơndap broă lơh “Sơlơ tơnguh tai ring bal ùr klau bơh tơnguh cồng nha lơh sa suơn sre mờ bơtàu tơnguh lòt nhơl tàm càr Lào Cai mờ Sơn La. Tàm 2 nam lam lơh rơndap broă neh cèng wơl cồng nha ngan ngồn, ờ mìng lơh gơlik gùng lòt pa tàm bơtàu tơnguh lơh sa suơn sre mờ gam sơlơ tơnguh tai bơta ring bal ùr klau tàm tiah làng bol jơi bơtiàn dùl êt nă cau.

VOV4.K’Ho- Ủy ƀan Ñân zân càr Dăk Nông pa pơyua Hội đồng Ñân zân càr in sền swì ring bal kĭ 622 sră hơ lơh broă nàng bơsong ing bơta ờ tơl cau pơgru.

VOV4.K'Ho- Sơlơ ngui măi mok yal tơnggit jơnau mờ git loh broă rơndap tŭ tơngai lơh anih yal tơnggit jơnau tàm điện tử bè phan kuơ dà nàng rơcang lài sơndră mờ ală tam gơl trồ tiah mờ broă gơlik geh kal ke bơh trồ tiah, ù tiah dê. Do là tơngume geh ală kwang bàng Quôk hội tơrgùm cribơyai tàm dơ̆ pơrjum poh lài tŭ cribơyai bè jơnau rơcang cih adat phan kuơ dà tam gơl.