VOV4.K’Ho- Drim òr (23/07), Mpồl Duh broă Làng bol càr Dăk Nông khoă IV bơyai lơh pơrjum dơ̆ 08 nàng kờñ sền swì broă lơh sa- mpồl bơtiàn 06 nhai bồ nam mờ lam lơh ală kơnòl broă tờm tàm ală nhai lồi nam.

VOV4.K’Ho- Drim òr (23/07), Thủ tướng ồng Phạm Minh Chính tus Pơrjum kah Kah ưn ngài cau geh màng mờ dà lơgar nam 2024 mờ tơlik măt Anih prăp gàr gen (AND) cau ling chơ̆t màng ờ hềt đal git mờ cau pròc mhàm cau ling chơ̆t màng.

VOV4.K’Ho- Di tơnkah 77 nam ngai Cau ling sồt să – Cau ling chơ̆t màng (27/07/1947-27/07/2024), mho òr (22/07), tàm Gơlang Củ tịc, Củ tịc lơgar ồng Tô Lâm tìp măt đềt mềr Mpồl cau ala măt cau geh màng mờ dà lơgar pơnrơ jăk gùt lơgar; ală Mè Việt Nam Khin cha jăk chài, Cau khin cha jăk chài mpồl ling klàng làng bol, Cau khin cha jăk chài lơh broă mờ cau tàm hìu nhă cau ling chơ̆t màng.

VOV4.K'Ho- Mờ 80 sơnam kis, mờr 57 nam geh Đảng, 14 nam at gơnoar broă Tổng Ƀí thư, rlau 2 nam at gơnoar broă Củ tịc lơgar, rlau 5 nam at gơnoar broă Củ tịc Quôk hội, ồng Nguyễn Phú Trọng sùm kơlôi rơcang, jơh nùs mờ broă lơh kac màng bơh Đảng mờ jơi bơtiàn dê, bal mờ Đảng dà lơgar, Cíñ phủ đơng lam jơh gùt Đảng, jơh gùt làng bol, jơh gùt ling klàng he lơh geh uă cồng nha dờng màng geh gơtha kah yau. Tŭ gam kis, Tổng Ƀí thư ồng Nguyễn Phú Trọng neh geh uă jơnau đơs niam ngan, rơlĕ rơlùn mơya cèng uă bơta gơtha. Ală jơnau đơs ồng dê neh gơ mut tàm nùs làng bol, geh làng bol pin dờn, kờñ gơboh mờ ki ngàm.

VOV4.K'Ho - Bơh bơnah priă dong kờl broă lơh jơnau kờñ dà lơgar bè bơtàu tơnguh lơh sa – mpồl bơtiàn tiah làng bol jơi bơtiàn dồ êt nă cau mờ tiah kơh bơnơm tơngai dơ̆ 1, bơh nam 2021 tus nam 2025, phan bơna niam chài mờ ală dơ̆ lơh chờ tàm càr tiah kơh bơnơm Lai Châu rơhời geh bơcri priă lơh, lơh niam wơl. Kơnờm geh priă jền dong kờl mờ ală broă lơh ngan ngồn, jơnau git wă bơh làng bol dê tàm broă prap gàr, sền gàr mờ ngui niam ală bơta kuơ niam chài kòn cau geh tơnguh rlau, lơh gơlik bơta gơn kơnờm tàm bơtàu tơnguh lơh sa, mpồl bơtiàn, tơn jơh jơgloh tơrmù rƀah kơ̆ kơljap jŏ jòng sùm tàm càr.

VOV4.K’Ho- Di dơ̆ tơngkah kir sơnrai 74 nam Ngai bơhiàn Ơruh pơnu lam lài Việt Nam (15/07), pa do tàm Hìu duh broă Củ tịc, Củ tịc lơgar ồng Tô Lâm neh tìp mat rềp mềr mpồl cau ala mat Mpồl Ơruh pơnu lam lài lài do Việt nam di dơ̆ tus bal pơrjum kwang bàng gùt lơgar Mpồl Ơruh pơnu lam lài lài do Việt Nam.

VOV4.K'Ho- Tơnơ̆ 10 nam lơh jat Jơnau sồr bơh Ƀan Ƀí thư dê “Bè sơlơ tơnguh tai bơta đơng lam bồ bơh Đảng dê gơ wèt mờ ai càn priă cíñ sác xã hội”, git nđờ rhiang rbô nă cau ờ sô tàm càr Gia Lai neh geh dong kờl brồ guh lik klàs rƀah”.

VOV4.K’Ho- Pơn jat tai lam lơh Jơnau neh lơh geh sồ 1371 bơh Thủ tướng Cíñ phủ dê tơngai bơh nam 2021- 2027, tàm xã tiah sar lơgar ngài Krông Jing, kơnhoàl M’ Drăk, càr Dăk Lăk, Gah đơng lam Mpồl ling klàng càr dê bơyai lơh “ Mblàng yal uă adat boh lam nam 2024, tìp mat lơh kwèng đơs crih tam ya- tàp pràn să jan mờ ală broă lơh dong kờl sền gàr niam rài kis mpồl bơtiàn.

VOV4.K'Ho- Poh lài, Mpồl duh broă làng bol càr Kon Tum neh bơyai lơh pơrjum nggùl nam nàng sền sơ wì bè broă lơh sa – mpồl bơtiàn 6 nhai bồ nam mờ lam lơh kơnòl broă 6 nhai lồi nam. Uă broă ờ niam tàm càr kung neh geh đơs tàm pơrjum do. Tàm hơ̆, uă broă gơ rềng tus broă lơh dong kờl làng bol jơi bơtiàn dồ êt nă cau.

VOV4.K'Ho- Mpồl bơyai lơh neh jàu priă dong kờl bơsram “Bơsram ờ tŭ lơi jơh” ai 463 nă cau geh săc rwah bơh ală tiah mờ 14 anih lơh broă bơh Dà lơgar dê, tàm hơ̆ geh 290 nă kơnòm bơsram, cau bơsram dờng mờ 173 nă cau dờng.