Mang ngai 27/07, tàm Hìu lơh broă Cíñ phủ, Thủ tướng ồng Phạm Minh Chính đơng lam dar pơrjum bè broă lơh bơt bơtàu hìu bơsram ai ală sàh tiah nhàr lơgar, geh bal hìu ơm tàm hìu bơsram ai kơnòm bơsram mờ cau pơgru in. Thủ tướng đơs sùm, broă lơh jat Jơnau đơs pơndŭt sồ 81 bơh Ƀộ Cíñ cíñ trị dê là gùng dà broă lơh dờng, cèng gơtha niam uă jrô ơnàng. Tàm tơngai bơh nam 2025-2027, rơ̆p lơh 248 nơm hìu bơsram pe kấp ơm tơn tàm hìu bơsram, ơm sa klo ngai tàm hìu bơsram ală hìu bơsram kấp dùl- kấp bàr tàm 248 sàh tiah nhàr lơgar hơđang ù gờl.

Thủ tướng sồr lam lơh sơr băc mhar, khin cha lơh ngan nàng lơh sir ết ngan rlau jơh 100 nơm hìu bơsram lài mờ ngai 30/08/2026. Mơkung sồr ală tiah mhar kờp sền rơndăp ù tiah, ai ù tiah gàr niam bă ù ơnàng, gùng che ồs đềng, dà ngui, viễn thông... drơng broă lơh bơt bơtàu in. Do là kơnòl broă gơ jal ngan nàng kờñ bơtàu tơnguh mpồl lơh broă, tơnguh uă bơta gĭt wă ai làng bol in, lơh geh ală bơta bơsram sră ai kơnòm bơsram tàm tiah sar lơgar ngài in, pơgồp bơnah lơh kơ̆ kơl jăp sền gàr Dà lơgar- lơngăp lơngai tiah nhàr lơgar bơh Dà lơgar dê.